Tags-Mehfil

ḳhair ḳhvāhoñ rāz-dāroñ kī bahut niyyat dekh lī
aaj se ham us kī mahfil meñ akele jā.eñge

vo shab bhī yaad hai ki maiñ pahuñchā thā bazm meñ
aur tum uThe the raunaq-e-mahfil liye hue

dāġh-e-dil ghuT rahe haiñ piirī meñ
bujh rahe haiñ charāġh mahfil ke

uThe jaate haiñ bazm-e-ālam se
aane vaale tumhārī mahfil ke

uThte jaate haiñ bazm-e-ālam se
aane vaale tumhārī mahfil ke

jalā aur jal ke soz-e-rashk se dil bujh gayā fauran
agar hotā charāġh-o-sham.a us mahfil meñ rah jaatā

'nazar' ham ko ilāqa sher se kyā par ye hasrat hai
na rahte ham to apnā zikr us mahfil meñ rah jaatā

jaate to kahāñ jā ke sukūñ DhūñDte 'fāḳhir'
mahfil koī apnī thī na tanhā.ī thī apnī

us mahfil meñ pyaas kī izzat karne vaalā hogā kaun
jis mahfil meñ toḌ rahe hoñ ā.ankhoñ se paimāne log

ziyā hai shāhid-o-sham.a-o-sharāb se us kī
faroġh-e-mahfil-e-rūhāniyāñ kī baat karo

koī betāb koī mast koī chup koī hairāñ
tirī mahfil meñ goyā ik tamāshā hai jidhar dekho

jalva-e-kasrat ḳhud apnā shauq-e-be-andāza thā
mahfil-e-lailā mirī nazroñ meñ lailā ban gayā

kis liye sab ko ajab bojh lagā sar apnā
le ke mahfil meñ jo pahuñchā maiñ kaTā sar apnā

ye bazm-e-'hilāl' hai ḳhuub magar jab tak na sunā.eñ aap ġhazal
chehroñ ke gulāb nahīñ mahkeñ mahfil pe shabāb nahīñ aa.e

apne anjām pe ḳhud ro.egī sham-e-mahfil
chhoḌ jā.eñge use us ke tamannā.ī tak

aaj mahfil meñ ye ḳhayāl rahe
kis kī jānib se pesh-dastī hai

shafaq shafaq vahī surḳhī uḌaan kī ta.abīr
ufuq ufuq vahī mahfil parind ojhal hai

tū ne nazroñ ko bachā kar is tarah dekhā mujhe
kyuuñ na kar jaatā bharī mahfil meñ dil tanhā mujhe

DhūñDhtī hai iztirāb-e-shauq kī duniyā mujhe
aap ne mahfil se uThvā kar kahāñ rakkhā mujhe

jo tirī mahfil se zauq-e-ḳhām le kar aa.e haiñ
apne sar vo ḳhud hī ik ilzām le kar aa.e haiñ