Tags-Mehnat

maiñ ne mehnat se hathelī pe lakīreñ khīñchīñ
vo jinheñ kātib-e-taqdīr nahīñ khīñch sakā

kamāl mehnat se paḌh rahe haiñ kamāl ġhairat se baḌh rahe haiñ
savār mashriq kī raah meñ haiñ to maġhribī raah meñ piyāde

ek bose kī talab meñ huī mehnat barbād
vasl kī raat huī yaar se khaTpaT ham se

mehnat se basā diyā hai sahrā
ab ghar kī taraf sidhārte haiñ

dil se zauq-e-jurm-e-mehnat kah rahā hai baar baar
ātish-e-ehsās ke sho.aloñ se bhī kuchh der taap

jinhoñ ne khet lahrā.e haiñ apne ḳhuuñ pasīne se
ajab turfa hai vo mardān-e-mehnat be-zamīñ nikle

hai imtihāñ sar par khaḌā mehnat karo mehnat karo
bāñdho kamar baiThe ho kyā mehnat karo mehnat karo

sirf mehnat kyā hai 'anvar' kāmyābī ke liye
koī uupar se bhī telephone honā chāhiye

mashaqqat kā ḳhazāna māñgtā hai
mirī mehnat zamāna māñgtā hai

jāntā huuñ kyuuñ tumhāre baaġh meñ khilte haiñ phuul
baat mehnat kī nahīñ ye mojaza paanī kā hai

vaqt kā maarā huā insāñ ra.ūnat kā shikār
jis kī mehnat kā natīja azmat-e-sarmāya-dār

madfan-e-mehnat-kashāñ
kār-ḳhānoñ ke mazār

jise tum le ke bedardī se paañv meñ kuchalte ho
ye dil maiñ ne to ai sāhab baḌī mehnat se paalā hai

maile ho jaate haiñ rishte bhī libāsoñ kī tarah
dostī har din kī mehnat hai chalo yuuñ hī sahī

is ḳhudā ne kāmyābī ko rakhā ūñchī jagah par
ab to mehnat kar ke hī ham ko vahāñ jaanā paḌegā

izzat zamīr mehnat dānish hunar mohabbat
lekin kabhī bikā hai kore ghaḌe kā paanī

mehnat mirī āñdhī se to mansūb nahīñ thī
rahnā thā koī rabt shajar kā bhī samar se

sab qadreñ pāmāl huiiñ insāñ ne ḳhud ko masḳh kiyā
qudrat ne kitnī mehnat kī thī apnī bazm-ārā.ī meñ

jaur-o-jafā o mehnat mehr-o-vafā-o-ulfat
tum kyuuñ baḌhā.iyāñ haiñ aur kyuuñ ghaTā.iyāñ haiñ