Tags-Mohabbat

zuleḳhā be-ḳhirad āvāra lailā bad-maza shīrīñ
sabhī majbūr haiñ dil se mohabbat aa hī jaatī hai

mire siine se lag kar der tak rotī hai tanhā.ī
kisī ne kah diyā us se mohabbat ho ga.ī mujh ko

qadr tāzīm kashish shauq mohabbat iz.hār
rokiye dil ko na jaane ye kahāñ tak pahuñche

arzāñ huī yuuñ jins-e-mohabbat ki jahāñ meñ
ham se tahī-dāmāñ ko ḳharīdār kahā hai

kai roz raqīboñ se nibhī rasm-e-mohabbat
ham bhī yahī ai rashk-e-qamar dekh rahe haiñ

tujh se kuchh aur ta.alluq bhī zarūrī hai mirā
ye mohabbat to kisī vaqt bhī mar saktī hai

bahut saffāk ho tum bhī
mohabbat aise karte ho

kitnī hamārī umr-e-mohabbat thī muḳhtasar
āġhāz hī kiyā thā ki anjām aa gayā

maiñ ujāle ko mohabbat kā ḳhudā likhtā huuñ
vo añdhere hī se mānūs huā jaatā hai

mere mustaqbil-e-mohabbat par
zindagī ke haiñ tajribe ḳhāmosh

kyuuñ ham ne mohabbat kī un se diqqat meñ phañse zahmat meñ phañse
āġhāz hī meñ dil meñ kahtā thā achchhā us kā anjām nahīñ

ġham-e-ulfat meñ Duube the ubharnā bhī zarūrī thā
hameñ rāh-e-mohabbat se guzarnā bhī zarūrī thā

hameñ vo bhuul baiThe haiñ unheñ phir yaad kyā karnā
unheñ rāh-e-mohabbat meñ bisarnā bhī zarūrī thā

vo gul bhī zahr-ḳhand kī shabnam se aT ga.e
jo shāḳhsār-e-dard-e-mohabbat kī aas the

baḌā ajiib mohabbat kā daur hotā hai
kahīñ pe maut kahīñ zindagī sī lagtī hai

maarā huā hai ḳhizr-e-mohabbat kī teġh kā
āb-e-hayāt-e-shauq siiñ tere jiyā huā

muāmalāt-e-mohabbat huuñ maiñ ġhulām tirā
pe jān-e-man terī har baat meñ nahīñ aanā

guzargāh-e-mohabbat ban ga.ī ik mustaqil bastī
lagā kar aag aayā ghar ko jo ḳhāna-ḳharāb aayā

muamma ban gayā rāz-e-mohabbat 'ārzū' yūñhī
vo mujh se pūchhte jhijke mujhe kahte hijāb aayā

mohabbat soz bhī hai saaz bhī hai
ḳhamoshī bhī hai ye āvāz bhī hai