Tags-Mohabbat

maiñ us se dukh ke bhī us ko duā.eñ detī huuñ
ajiib rañg mohabbat meñ dushmanī ke haiñ

mohabbat ke jogī sitam ke birogī vafā ke bhikārī jafā ke pujārī
jahāñ dekh paate haiñ jalva butoñ kā bichhāte haiñ apnā vahīñ mirg-chhālā

fuġhāñ kī bhī imdād hāsil karūñ maiñ mohabbat ko bhī kuchh tavajjoh dilā.ūñ
bharam jazb-e-dil kā nikalne na paa.e nikal aa.e parde se vo parde vaalā

ashk āñkhoñ meñ kasak dil meñ nazar meñ ummīd
ishq detā hai mohabbat meñ nishānī kyā kyā

marīz-e-mohabbat tirā jāñ-ba-lab hai
tajāhul sitam hai taġhāful ġhazab hai

dil mohabbat makān hai goyā
aarzū kā jahān hai goyā

mohabbat ik musalsal hādisa thī
hamāre be-vafā hone se pahle

ham ne hayā pahan ke mohabbat-shi.ār kī
guḌiyoñ ke vāste bhī ġharāre banā.e the

guloñ ke dām-e-mohabbat meñ aa rahā huuñ maiñ
fareb husn-e-majāzī kā khā rahā huuñ maiñ

gum-gashta-e-manzil huuñ mohabbat meñ kuchh aisā
bikhrā huā shīrāza-e-taskīn-e-nazar hai

lage the aa.ine chāroñ taraf shāyad mohabbat ke
nazar ke sāmne thā bas vahī ham ne jidhar dekhā

numāyāñ donoñ jānib shān-e-fitrat hotī jaatī hai
unheñ mujh se mujhe un se mohabbat hotī jaatī hai

kahīñ rāz-e-mohabbat āsmāñ par bhī na khul jaa.e
mujhe āh-o-fuġhāñ karne kī aadat hotī jaatī hai

mohabbat hī meñ milte haiñ shikāyat ke maze paiham
mohabbat jitnī baḌhtī hai shikāyat hotī jaatī hai

mohabbat kī kiran phūTī hai dil se
kitāboñ se use sīkhā nahīñ hai

nadīm-e-dard-e-mohabbat baḌā sahārā hai
jabhī to ye ġham-e-daurāñ hameñ gavārā hai

aap duniyā ko mohabbat kī davā bechte haiñ
aap ke paas ilāj-e-ġham-e-jāñ bhī hogā

nik.hat-o-rañg liye nuur kā sailāb liye
eid aa.ī hai mohabbat kā nayā baab liye

zarra zarra hai jamāl-e-dur-e-ḳhush-āb liye
eid aa.ī hai mohabbat kā nayā baab liye

kitne taslīm liye kitne hī ādāb liye
eid aa.ī hai mohabbat kā nayā baab liye