Tags-Mother

hazāroñ sher mere so ga.e kāġhaz kī qabroñ meñ
ajab maañ huuñ koī bachcha mirā zinda nahīñ rahtā

maañ se kyā kaheñgī dukh hijr kā ki ḳhud par bhī
itnī chhoTī umroñ kī bachchiyāñ nahīñ khultīñ

vo maañ thī
jis ne saa.e meñ chhupā rakkhe the dukh un ātmāoñ ke

kuchh siyāsat se toḌe ga.e kuchh ko sāzish ne bahkā diyā
ek maañ ke haiñ jaa.e sabhī aaj kitne alag ho ga.e

is liye chal na sakā koī bhī ḳhanjar mujh par
merī shah-rag pe mirī maañ kī duā rakkhī thī

hādse merā kyā bigāḌeñge
maañ kī āñkhoñ kā intizār huuñ maiñ

tere dāman meñ sitāre haiñ to hoñge ai falak
mujh ko apnī maañ kī mailī oḌhnī achchhī lagī

maañ kahtī hai
jab tum chhoTe the to aise achchhe the

maiñ ojhal ho ga.ī maañ kī nazar se
galī meñ jab koī bārāt aa.ī

maut se rishta mirā maañ kī tarah hai 'sādī'
zindagī lagtī hai mujh ko sagī bahnoñ kī tarah

maañ ne likhā hai ḳhat meñ jahāñ jaao ḳhush raho
mujh ko bhale na yaad karo ghar na bhūlnā

kyuuñ ho be-kaif zindagī is kī
le ke 'tauqīr' maañ kā pyaar chalā

zindagī baap kī mānind sazā detī hai
rahm-dil maañ kī tarah maut bachāne aa.ī

mire din kī tarah raushan mirī har raat hotī hai
duā maañ kī har ik mausam meñ mere saath hotī hai

tohmat lagā ke maañ pe jo dushman se daad le
aise suḳhan-farosh ko mar jaanā chāhiye

do tiin chhoTe bachche chiḌiyā ke ghoñsle meñ
chup-chāp lag rahe haiñ siine se apnī maañ ke

vo lamha jab mire bachche ne maañ pukārā mujhe
maiñ ek shāḳh se kitnā ghanā daraḳht huī

maañ kī jis ko duā.eñ mil jaa.eñ
umr bhar kāmyāb rahtā hai

apne maañ baap chune koī ye mumkin hī kahāñ hai?
us pe ye mulk bhī lāzim thā ki maañ baap kā ghar thā is meñ

apnī marzī se to maz.hab bhī nahīñ us ne chunā thā
us kā maz.hab thā jo maañ baap se hī us ne virāsat meñ liyā thā