Tags-Mother

maañ ye mīrās-e-tamāshā
Dūbtī aahoñ karāhoñ kā ye shor-e-be-tahāshā

maañ mujhe lorī sunā
lorī jo terā farz hai

maañ zamīneñ kyuuñ
ḳhalāoñ ke kafan oḌhe hue haiñ

maañ se ik bachche ne pūchhā
chāñd meñ ye dhabbā kaisā hai

maañ kī āñkheñ charāġh thiiñ jis meñ
mere ham-rāh vo duā bhī thī

maañ mujhe dekh ke nārāz na ho jaa.e kahīñ
sar pe āñchal nahīñ hotā hai to Dar lagtā hai

jhalak to dekho hamāre ghar kī yahāñ haiñ naanī yahāñ haiñ taa.ī
hamāre maañ baap aur chachā haiñ yahāñ haiñ bahneñ yahāñ haiñ bhaa.ī

ai raat mujhe maañ kī tarah god meñ le le
din bhar kī mashaqqat se badan TuuT rahā hai

ghar se nikle hue beToñ kā muqaddar ma.alūm
maañ ke qadmoñ meñ bhī jannat nahīñ milne vaalī

kalī kalī meñ hai dhartī ke duudh kī ḳhushbū
tamām phuul usī ek maañ ke jaa.e haiñ

maañ mujhe dekh ke nārāz na ho jaa.e kahīñ
sar pe āñchal nahīñ hotā hai to Dar hotā hai

bachcha rotā hai magar rotā hai vo taqdīr par
maañ samajhtī hai ki munne ko khilaunā chāhiye

ḳhudā ko yaad kartā huuñ to maañ kī yaad aatī hai
abhī azaloñ se gardāñ chaak kī miTTī kā nam ā.ankhoñ meñ raushan thā ki maiñ ne maañ ko dekhā thā

maañ kah rahī thī rañg lipstick ke dekh kar
chaT kar diyā bahū ne mire laal kā bajaT

zindagī ik nā-ḳhalaf beTe kā baap
zindagī mazdūr kī bīmār maañ

muddatoñ ba.ad mayassar huā maañ kā āñchal
muddatoñ ba.ad hameñ niiñd suhānī aa.ī

ik bachcha us khulī huī khiḌkī meñ jhāñk kar
sharmā ke ghar jo bhāgā to maañ se lipaT gayā

ek muddat se mirī maañ nahīñ soī 'tābish'
maiñ ne ik baar kahā thā mujhe Dar lagtā hai

maañ ke hoñToñ se thī niklī dam-e-ruḳhsat jo duā
mujh ko ab tak vo duā saath liye phirtī hai