Collections

Lab Shayari

Motivational Ghazals

Best Khamoshi Shayari

More Collections

Tags-Mulaqat

aaj barsoñ meñ to qismat se mulāqāt huī
aap muñh pher ke baiThe haiñ ye kyā baat huī

aaj barson mein to qismat se mulaqat hui

niklegī kaise koī mulāqāt kī sabīl
duniyā khaḌī hai raah meñ dīvār kī tarah

kaTe hain din hayat ke lachaar ki tarah

tum lutf-e-mulāqāt ko ḳhvāboñ meñ basā lo
ye lamha masarrat kā bichhaḌ kar na milegā

tairega faza mein jo samundar na milega

hote hī vasl kuchh ḳhafaqāñ sā use huā
dhaḌkā ye be-tarah kā mulāqāt meñ lagā

matlab ki kah sunaun kisi baat mein laga

yuuñ mulāqāt kā ye daur banā.e rakhiye
maut kab saath nibhā jaa.e bharosa kyā hai

ai KHuda jism mein tu ne ye banaya kya hai

ham mulāqāt ke auqāt baḌhā deñ lekin
der tak chāñd ko tālāb meñ rahnā hī nahīñ

har ghaDi KHauf ke girdab mein rahna hi nahin

jab tai ho mulāqāt us āshufta-sarī se
tum aur hī kuchh rañg pahannā sar-e-sāhil

jab raushni chamki to uThaya sar-e-sahil

aaj phir un se mulāqāt pe ronā aayā
bhūlī-bisrī huī har baat pe ronā aayā

aaj phir un se mulaqat pe rona aaya

tum kahāñ mujh se mulāqāt ko aa sakte ho
chaltī gaaḌī se faqat haath hilā sakte ho

tum kahan mujhse mulaqat ko aa sakte ho

raat bhar jashn-e-mulāqāt munavvar hī sahī
sub.h-dam koī kisī kā nahīñ hone vaalā

raqs-e-taus-e-tamanna nahin hone wala

kaisā ajiib rog mire jī ko lag gayā
har vaqt hai kisī se mulāqāt kī talab

hirs-o-hawas ke nam ye din raat ki talab

chhoḌnā hai to na ilzām lagā kar chhoḌo
kahīñ mil jaao to phir lutf-e-mulāqāt rahe

chhoDna hai to na ilzam laga kar chhoDo

hujūm-e-yād mulāqāt-e-muḳhtasar kā samar
har ek lamha mah-o-sāl kā ḳhazāna huā

hai sach to ye ki mohabbat ka haq ada na hua

jin se na kuchh milā hameñ rusvā.ī ke sivā
un dostoñ kī ham ne mulāqāt kaaT dī

yun zindagi ki humne siyah raat kaT di

ban jaa.e vaj.h-e-dushmanī jo do gharoñ ke beach
bachchoñ kī ham ne aisī mulāqāt kaaT dī

yun zindagi ki humne siyah raat kaT di

kyā mulāqāt phir kabhī hogī
yā use yādgār kar luuñ maiñ

dil mein tujhko shumar kar lun main

ham ko nigal sakeñ ye añdheroñ meñ dam kahāñ
jab chāñdnī se apnī mulāqāt ho ga.ī

kya aaj un se apni mulaqat ho gai

kyā aaj un se apnī mulāqāt ho ga.ī
sahrā pe jaise TuuT ke barsāt ho ga.ī

kya aaj un se apni mulaqat ho gai

bāzār jaanā aaj saphal ho gayā mirā
barsoñ ke ba.ad un se mulāqāt ho ga.ī

kya aaj un se apni mulaqat ho gai

kitnī jaldī meñ huā ḳhatm mulāqāt kā vaqt
varna kyā kyā na savālāt the karne vaale

sanehe lakh sahi hum pe guzarne wale