Tags-Naaz

hazar zarūrī hai ai sarv-e-nāz is se tujhe
ki ābshār-e-mizha ko bahāyā ashk mirā

dāman-e-nāz kī jhāḌī huī gard
aur insāñ kī haqīqat kyā hai

avval avval dostoñ par naaz thā kyā kyā hameñ
āḳhir āḳhir dushmanoñ ko mo'tabar kahne lage

rañg par jab vo bazm-e-nāz aa.ī
ham uThe le ke dard-e-tanhā.ī

naaz hai tāqat-e-guftār pe 'māhir' ko magar
dil pe guzrī hai kuchh aisī ki sunā.e na bane

haa.e ye fitrat-e-husn uf vo mizāj-e-nāzuk
naaz uThānā bhī jo chāhūñ to uThā.e na bane

taklīf-e-iltifāt na kar ai nigāh-e-nāz
ab mutma.in haiñ apne ġham-e-zindagī se ham

vāqif kab thā pyaar se pahle lekin 'zākir' pyaar ke ba.ad
qismat rekhā husn-o-adā aur nāz-o-jafā sab jaan liyā

kuchh ishāre haiñ udhar shoḳhī pinhāñ ke 'firāq'
hai sukūt-e-nigah-e-nāz suḳhan-sāz judā

nigah-e-nāz diye jaatī hai paiġhām-e-hayāt
maut se khel rahe haiñ tire jāñbāz judā

yuuñ hī kyā kam hai tirī yaad ki dil ko chheḌeñ
zulf-e-pur-ḳham lab-e-rañgīñ nigah-e-nāz judā

nāz-parvar vo tabassum se kahīñ
silsile dard ke milte hoñge

tumhāre va.az meñ tāsīr to hai hazrat-e-vā.iz
asar lekin nigāh-e-nāz kā bhī kam nahīñ hotā

kah jaatī hai kyā vo chīn-e-jabīñ ye aaj samajh sakte haiñ kahīñ
kuchh sīkhā huā to kaam nahīñ dil naaz uThānā kyā jaane

aaj bazm-e-nāz meñ vo intishār-e-naġhma hai
sāz-e-dil kī har sadā nā-sāzgār-e-naġhma hai

hamesha kaun takalluf hai ḳhūb-rūyoñ kā
guzār naaz se īdhar bhī gaah gaah kareñ

tire farq-e-nāz pe taaj hai mire dosh-e-ġham pe galīm hai
tirī dāstāñ bhī aziim hai mirī dāstāñ bhī aziim hai

na havas mujhe mai-e-nāb kī na talab sabā-o-sahāb kī
tirī chashm-e-nāz kī ḳhair ho mujhe be-piye hī surūr hai

nigāh-e-nāz kī farmā-ravā.iyāñ tauba
vo muskurā bhī rahī thiiñ sazā sunāte hue

madad tayār hai naqsha iram kā khiñch ke aayā hai
shahīd-e-nāz par rahm aa gayā madfan banāte haiñ