Tags-Naaz

mere miTne kā kareñ sog kisī ke dushman
kyuuñ udāsī sī kisī jalva-gah-e-nāz meñ hai

jhoñke haiñ ki shahnā.ī ke sur jaag rahe haiñ
ik naġhma-gar-e-nāz kī paa.el huiiñ shāḳheñ

ye bhī hai maarā huā saaqī kī chashm-e-nāz kā
is liye 'ādil' ko shīshe kī parī achchhī lagī

ai nāz-e-ishq dār-o-rasan kī bisāt kyā
mere vufūr-e-shauq-e-shahādat ke sāmne

vaj.h-e-āvārgī-e-ishq-e-fasurda ma.alūm
nigah-nāz ko parda sā banā rakkhā hai

naala terā naaz se baalā hai
ye raaz ifshā-e-rāz se baalā hai

phūloñ kī sej par se jo be-dimāġh uTThe
masnad pe naaz kī jo tevrī chaḌhā ke baiThe

ruḳh-o-gesū dikhā kar naaz se kahtā hai vo dilbar
koī kāfir ho paidā aur koī dīñ-dār ho paidā

aalam sunā jo naaz kā hai us se al-amāñ
andāz-e-guftugū se ḳhudā kī panāh hai

mai-kada gar chashm-e-mast-e-nāz se paave shikast
mū-e-shīsha dīda-e-sāġhar kī mizhgānī kare

lazzat-e-dard vahī hai vahī kaifiyyat-e-zīst
iltifāt-e-nigah-e-nāz abhī kam to nahīñ

tumheñ to naaz bahut dostoñ pe thā 'jālib'
alag-thalag se ho kyā baat ho ga.ī pyāre

tumhārī anjuman-e-nāz tak mujhe laayā
mirī nigah kā taqāzā mirī nazar kā fareb

vo bhī ḳhirām-e-nāz se bhūlā hai chaukḌī
kartā hai ab to āhū-e-sahrā bhī ram ġhalat

jin zaḳhmoñ par thā naaz hameñ vo zaḳhm bhī bharte jaate haiñ
sāñseñ haiñ ki ghaTtī jaatī haiñ din haiñ ki guzarte jaate haiñ

ḳhāna-e-nāz hai vo balki charāġh-e-murdā
dil ke ā.īne meñ gar rū-e-dil-ārām nahīñ

lo tabassum bhī sharīk-e-nigah-e-nāz huā
aaj kuchh aur baḌhā dī ga.ī qīmat merī

naaz hai gul ko nazākat pe chaman meñ ai 'zauq'
us ne dekhe hī nahīñ nāz-o-nazākat vaale

sau baar mirā terā milan moh huā hai
kis naaz kas andāz pe tū itnā tanī hai

lams-e-anā par itnā naaz
ḳhushbū hai uḌ jaatī hai