Tags-Naaz

ishva-e-nāz-o-adā jaur o jafā makr o daġhā
kaise jī leñ jo har ik baat bhulā dī jaa.e

ham us nigāh-e-nāz ko samjhe the neshtar
tum ne to muskurā ke rag-e-jāñ banā diyā

ḳhatm ho jaate jo husn o ishq ke naaz o adā
shā.erī bhī ḳhatm ho jaatī nubuvvat kī tarah

mujhe usī par hai naaz hamdam shikasta sāġhar ye hai to apnā
kise sunātā hai zikr-e-māzī balā se thā jām-e-jam hī achchhā

naaz karte haiñ agar apne ḳhad-o-ḳhāl pe ye
aap ke husn kī asnām se bāteñ hoñgī

is anjuman naaz meñ hai kaun ḳharīdār
be-kār matā-e-dil-o-jāñ le ke chale ham

niyāz-e-ishq hai nāz-e-butāñ hai
mohabbat kā.enāt-e-do-jahāñ hai

mat jāniye paikār meñ bas nāz-o-adā kā
aurat meñ hai dam ma.arka-e-jaur-o-jafā kā

uThā.ūñ maiñ naaz us gul-andām ke
mire vāste ye sa.ādat nahīñ

julūs-e-nāz kabhī to idhar se guzregā
kabhī to dil ke muqaddar sañvar hī jā.eñge

bazm-e-takallufāt sajāne meñ rah gayā
maiñ zindagī ke naaz uThāne meñ rah gayā

mere dil meñ aa.e vo apne harīm-e-nāz se
tīsrā ghar ab na dekheñ dūsrā ghar dekh kar

jo nigāh-e-nāz kā bismil nahīñ
dil nahīñ vo dil nahīñ vo dil nahīñ

bilā-sabab to 'karāmat' pe apnī naaz nahīñ
ki chār-dāñg meñ shohrat mire asar kī rahī

merā vo ghar jo mirā ghar hī nahīñ thā 'rūhī'
maiñ ne is ghar ko ajab naaz se ābād kiyā

hameñ jazīre pe jab utārā to is safīne pe naaz kyuuñ ho
ki bahr-e-hastī kā hai ye hāsil to is se behtar thā Dūbnā phir

na uThte kushtagān-e-nāz hargiz apnī turbat se
tirī āvāz shāmil ho ga.ī thī sūr-e-mahshar meñ

ghar ghar khile haiñ naaz se sūraj-mukhī ke phuul
sūraj ko phir bhī māne-e-dīdār kaun hai

sunte haiñ seTh jī kā divāla nikal gayā
jis mil pe un ko naaz thā vo mil nahīñ rahā

bajā hai zo.am sūraj ko bhī naaz apnī tamāzat par
hamāre shahr meñ bhī mom ke paikar nahīñ rahte