Tags-Naaz

ham ko manzil-shanāsī pe bhī naaz hai aur ham āshnā-e-havādis bhī haiñ
jū-e-ḳhūñ se guzarnā paḌe bhī to kyā justujū ko to ik rāstā chāhiye

lākhoñ shahīd-e-nāz ga.e haiñ jahān se
mulk-e-adam meñ dhuum tumhārī jafā kī hai

mire qasr-e-tamannā kī nigahbāñ
nigāh-e-nāz kī begānagī hai

na furāt-o-dajla pe naaz kar na fareb-e-gañg-o-jaman meñ aa
ye jahān sab hai tirā vatan tū kidhar hai apne vatan meñ aa

naaz se chhātī par us ne paañv jis dam rakh diyā
dil huā ThanDā kaleja haath bhar kā ho gayā

ġhurūr-e-nāz-e-qātil ko liye jā hai koī pūchhe
chalā to sauñp kar kis ke ta.iiñ us said-e-be-jāñ ko

ġhurūr-e-nāz se āñkheñ na kholīñ is jafā-jū ne
milā paañv tale jab tak na chashm-e-sad-ġhazālāñ ko

'ātish' tujh ko naaz bahut thā sūraj par
shaam ke Dhalte hī jis ko bujh jaanā thā

niyāz-o-nāz ke sāġhar khanak jaa.eñ to achchhā hai
tire mai-kash tire dar par bhaTak jaa.eñ to achchhā hai

raat kī niiñd uḌ ga.ī din kā sukūn luT gayā
terī nigāh-e-nāz ne kar diyā dil pe kyā asar

rah ga.ī vo nigāh-e-nāz qalb o jigar meñ baiTh kar
dil meñ latīf sī ḳhalish aañkh hai āñ.suoñ se tar

ai vafā khulte haiñ tujh par aaj kyā kyā raaz dekh
chal chaman meñ bulbul-o-gul ke niyāz-o-nāz dekh

jo naaz kare yaar sazā-vār hai 'ātish'
ḳhush-rū o ḳhush-uslūb o ḳhush-iqbāl huā hai

yahī atiyya-e-sub.h-e-shab-e-visāl hai kyā
ki sehr-e-nāz-o-zadā bhī nahīñ rahā ab to

kyā pūchhte ho jauhar-e-teġh-e-nigāh-e-nāz
ye us se tez hai jo tumhārī kamar meñ hai

kyā burā haal hai añgḌā.iyāñ lete lete
sāqiyā naaz ab achchhā nahīñ mai-ḳhvāroñ se

suḳhan-varī hai nazar se nazar kā nāz-o-niyāz
aruuz se na zabān-o-bayāñ se aatī hai

urdu adab ko jis pe hamesha rahegā naaz
iz.hār-e-fikr-o-fan kā vo me.aar hai ġhazal

maiñ ki rahtā huuñ ba-sad-nāz gurezāñ tujh se
tū na hogā to bahut yaad karūñgā tujh ko

aa.eñ pasand kyā use duniyā kī rāhateñ
jo lazzat-āshnā-e-sitam-hā-e-nāz thā