Tags-Naaz

rāt-din phirtī hai palkoñ ke jo saa.e saa.e
dil mirā us nigah-e-nāz kā dīvānā hai

vahshat-e-jāñ ko payām-e-nigah-e-nāz to do
is fasāne ko zarā garmī-e-āġhāz to do

hazār shukr ki be-ḳhvāb hai sahar ke liye
vo chashm-e-nāz ki jo jagtoñ meñ thī bhī nahīñ

kyā adā kiyā naaz hai kyā aan hai
yaañ parī kā husn bhī hairān hai

tū saath thā to maiñ sab jheltā thā duniyā ko
kisī ke naaz karūñ kyuuñ gavāra tere ba.ad

kaif-e-ḳhud-āgahī bhī hai ālam-e-be-ḳhudī bhī hai
shauq-e-supurdagī bhī hai aaj nigāh-e-nāz meñ

maiñ pā.emāl-e-vāda-e-fardā zarūr huuñ
lekin fareb-ḳhurda-e-nāz-e-butāñ nahīñ

ab kyuuñ harīm-e-nāz meñ sarmastiyāñ nahīñ
ham vo nahīñ ki aap meñ vo shoḳhiyāñ nahīñ

apnī fitrat pe naaz hai mujh ko
bhuul sakte nahīñ ye ahl-e-nazar

shād-ābād zamīñ kis se hai
nāz-bardār-e-zamīñ maiñ bhī huuñ

ishq ik baar mashiyyat ko badal saktā hai
indiya apnā magar kuchh nigah-e-nāz to de

zālim kā naaz uThāte haiñ 'ḳhurshīd' sab magar
mujh se kabhī ye naaz uThāyā na jā.egā

jaan detā huuñ magar aatī nahīñ
maut ko bhī nāz-e-ma.ashūqāna hai

tum mujhe chhoḌ ke is tarah nahīñ jā sakte
is ta.alluq pe bahut naaz kiyā hai maiñ ne

bahut thā naaz jin par ham unhīñ rishtoñ pe hañste haiñ
hamīñ kyā rasm-e-duniyā hai ki sab apnoñ pe hañste haiñ

sar-e-niyāz se zāhir huā tabassum-e-nāz
butūn-e-ḳhāk se paidā huā dur-e-maqsūd

luTere Daaku bhī apne pe naaz karne lage
unhoñne aaj jo santoñ kā ācharan dekhā

bādbāñ naaz se lahrā ke chalī bād-e-murād
kārvāñ eid manā qāfila-sālār aayā

is sādgi-e-husn meñ kis darja kashish hai
har naaz meñ ik jazba-e-ġhammāz kā aalam