Tags-Naaz

ye jo 'arsh' shikva-tarāz hai jise harza-goī pe naaz hai
ye vahī hai shā.ir-e-ḳhush-bayāñ tujhe yaad ho ki na yaad ho

use bhī nāz-e-ġhalat-karda-e-taġhāful thā
ki ḳhvāb o ḳhema-faroshī ko ghar kahā us ne

tum apne jalva-e-nauḳhez par yuuñ naaz karte ho
agar merā dil-e-ḳhuddār bhī maġhrūr ho jaa.e

tū bahut duur kisī anjuman-e-nāz meñ thī
phir bhī mahsūs kiyā maiñ ne ki tū aa.ī hai

jis ke ghar aave vo 'hātim' naaz se rakhtā qadam
uTh khaḌā ho kar kare is aan sāhib-ḳhāna raqs

aan rakhtā hai ajab yaar kā laḌ kar chalnā
har qadam naaz ke ġhusse meñ akaḌ kar chalnā

ik nau-bahār-e-nāz ko mehmāñ kareñge ham
har dāġh-e-dil ko rashk-e-gulistāñ kareñge ham

ḳhvāb ḳhushbū-e-talab rañg-e-havas nāz-e-vafā
saarā sarmāya gayā chaliye yahāñ se chaliye

use zid ki 'vāmiq'-e-shikva-gar kisī raaz se na ho bā-ḳhabar
mujhe naaz hai ki ye dīda-var mirī umr bhar kī talāsh hai

sajan Tuk naaz suuñ mujh paas aa āhista āhista
chhupī bāteñ apas dil kī sunā āhista āhista

hosh 'dā.ūd' kā huā laT-paT
dekh kar terī naaz kā laTkā

qabr meñ jab kisī tarah dil kī taḌap na kam huī
yād-e-ḳhirām-e-nāz ne hashr kā aasrā diyā

dil hī nigāh-e-nāz kā ek adā-shanās thā
jalva-e-barq-e-tūr ne tuur ko kyuuñ jalā diyā

bazm-e-nāz us kī hai ai hazrat-e-dil
paañv apne bhī na phailā.iye aap

nigāh-e-nāz ko taklīf-e-iltifāt na do
ki ab to zaḳhm-e-jigar be-niyāz-e-marham hai

duā.eñ kyuuñ na duuñ har dam nigāh-e-nāz-e-qātil ko
jo ye nashtar na ho sū-e-rag-e-jāñ kaun dekhegā

tere ḳhirām-e-nāz ke sadqe ki kab koī
aisā chaman meñ sarv-ḳhirāmāñ hai dūsrā

naaz o andāz meñ shā.ista sā vo husn-e-nafīs
hū-ba-hū jān-e-ġhazal hai mirī urdu kī tarah

zamīñ par pā.ūñ rakhne de unheñ ai nāz-e-yaktā.ī
ki ab naqsh-e-qadam un ke kahīñ paa.e nahīñ jaate

us ke va.ade pe naaz the kyā kyā
ab dar-o-bām se nadāmat hai