Tags-Naaz

hue ḳhush ham ek nigār se hue shaad us kī bahār se
kabhī shaan se kabhī aan se kabhī naaz se kabhī pyaar se

lakad kūb-e-havādis kā tahammul kar nahīñ saktī
mirī tāqat ki zāmin thī butoñ kī naaz uThāne kī

hamārī sādgī thī iltifāt-e-nāz par marnā
tirā aanā na thā zālim magar tamhīd jaane kī

zindagī un pe naaz kartī hai
jo bhī hālāt par nahīñ rote

kyā aisī vafā par naaz karūñ jo baa.is ho rusvā.ī kī
ye baat huī mar jaane kī bad-nām kisī ko sitam ne kiyā

miTā miTā sā tasavvur hai naaz maazī kā
hayāt-e-nau hai ab is umr-e-rā.egāñ se gurez

tanhā.ī meñ kāhish-e-jāñ ke hāthoñ kis ārām se haiñ
kaise apne naaz uThā.eñ kyā apnī tahqīr kareñ

unheñ kulāh-e-ḳhvājgī pe naaz hai huā kare
ye anjuman kī anjuman magar hamāre saath hai

na vo yaad hai na vo hijr hai na nigāh-e-nāz kā zikr hai
mire zehn se tirī fikr ke sabhī rozgār chale ga.e

jalva-e-yār dekh kar tuur pe ġhash hue kalīm
aql-o-ḳhirad kā kaam kyā mahfil-e-husn-o-nāz meñ

halāk-e-teġh-e-jafā yā shahīd-e-nāz kare
tirā karam hai jise jaise sarfarāz kare

banā.e zinda-e-jāved yā rakhe 'bedam'
mire sar āñkhoñ pe jo kuchh nigāh-e-nāz kare

vo jo log mere ḳhulūs kā baḌā barmalā sā javāz the
jo nigāh-e-nāz kā zo.am the maiñ unhī kā sarf-e-nazar rahā

chaman tū apnī bahāroñ pe itnā naaz na kar
shajar se husn kā zevar utar bhī saktā hai

tujhe ḳhabar hai tujhe yaad kyuuñ nahīñ karte
ḳhudā pe naaz ḳhudā-zād kyuuñ nahīñ karte

hazār naaz sahī mujh ko apnī qismat par
hinā-e-dast-e-nigārīñ huuñ chhūT jā.ūñgā

vo neshtar sahī par dil meñ jab utar jaave
nigāh-e-nāz ko phir kyuuñ na āshnā kahiye

tere ash.ār bhī shādāb butoñ ke mānind
nāz-o-andāz ke paale nazar aate haiñ mujhe

dil talabgār-e-nāz-e-mah-vash hai
lutf us kā agarche dilkash hai

jaao jo chaman ko to kare farsh-e-rah-e-nāz
bulbul jigar-o-fāḳhta dil kabk-e-darī aañkh