Tags-Naaz

aa.ina apne muqaddar pe na kyuuñ naaz kare
muḌ ke ik baar use dekhe jo sañvar kar koī

ḳhud pe kyā kyā vo naaz karte haiñ
jab koī dekhtā nahīñ hotā

nāz-o-andāz-o-adā se tumheñ sharm aane lagī
aarzī husn kā aalam vo kahāñ hai ki jo thā

ālam-e-husn ḳhudā-dād-e-butāñ hai ki jo thā
nāz-o-andāz balā-e-dil-o-jāñ hai ki jo thā

vo tiir kyā jo kisī ko na kar sake bismil
nigāh-e-nāz vo kyā hai jo dil ke paar na ho

jigar o dil meñ tarāzū na ho kyuuñ nāvak-e-nāz
is ko donoñ se barābar kī shanāsā.ī hai

'beḳhud' to mar miTe jo kahā us ne naaz se
ik sher aa gayā hai hameñ aap kā pasand

ye namāz-e-ishq hai kaisā adab kis kā adab
apne pā-e-nāz par karne bhī de sajda mujhe

rusvā.ī-e-sher-o-ishq ne vo rutba hameñ 'aḳhtar' baḳhshā hai
faḳhr-e-dakan-o-bañgāl haiñ ham nāz-e-avadh-o-panjāb haiñ ham

gulzār-e-jahāñ meñ gul kī tarah go shaad haiñ ham shādāb haiñ ham
kahtī hai ye hañs kar sub.h-e-ḳhizāñ sab nāz-e-abas ik ḳhvāb haiñ ham

haram-sarā-e-nāz hai ki dar-e-gah-e-niyāz hai
nigāh-e-nīm-bāz bhī nigāh-e-nīm-bāz hai

nigāh-e-nāz kuchh un kī bhī hai ḳhabar tujh ko
jo dhuup meñ haiñ magar badliyāñ banāte haiñ

bahut hai jam ko apne jaam par naaz
zarā laanā mirā TuuTā huā dil

nā rasā.ī pe naaz hai jis ko
haa.e vo shauq-e-nā-rasā merā

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

us kī zulf-e-ḳham-ba-ḳham se ab nikalnā hai muhāl
ġhamza-o-nāz-o-adā se aisā uljhāyā mujhe

nigāh-e-lutf na farmā nigāh-e-nāz ke baad
jigar meñ aag lagā kar na aa bujhāne ko

niyāz-āgīñ hai aur nāz-āfrīñ bhī
agar sajde meñ jhuk jaa.e jabīñ bhī

dāvat-e-jalva hai phir barq-e-nigāh-e-nāz ko
jam.a phir hastī ke ajzā-e-pareshāñ ho ga.e

kabhī thā naaz zamāne ko apne hind pe bhī
par ab uruuj vo ilm-o-kamāl-o-fan meñ nahīñ