Tags-Naaz

ḳhvāb uThā kar taaq pe rakkhe maiñ ne bhī
duniyā tere naaz uThā.e maiñ ne bhī

ik talātum sā rañg-o-nik.hat kā
paikar-e-nāz meñ damā-dam hai

phirne ko hai rasīlī nīm-nigāh
āhū-e-nāz mā.il-e-ram hai

mirī mastī kā andāza hai kis ko
nigāh-e-nāz merī ham-suḳhan hai

jis ko na dil pe naaz ho naaz tire uThā.e kyuuñ
uTh na sake jo āstāñ le ke vo sar jhukā.e kyuuñ

harf-e-matlab ko mire sun ke ba-sad-nāz kahā
ham samajhte nahīñ baktā hai to saudā.ī kyā

husn-e-dilkash kā bhī kyā andāz hai
naaz goyā hai adā ḳhāmosh hai

nigāh-e-nāz aksar dāstāñ ma.alūm hotī hai
kisī kī aañkh ham-vasf-e-zabāñ ma.alūm hotī hai

ruuh ko aaj naaz hai apnā vaqār dekh kar
us ne chaḌhā.īñ tevriyāñ merā qarār dekh kar

thā jo sutūñ ki rukn-e-risālat kā takiya-gāh
kursī bhī us kī pusht kī thī DhūñDhtī panāh

hijr kī sab musībateñ arz kiiñ us ke rū-ba-rū
nāz-o-adā se muskurā kahne lagā jo ho so ho

abas hai nāz-e-istiġhnā pe kal kī kyā ḳhabar kyā ho
ḳhudā ma.alūm ye sāmān kyā ho jaa.e sar kyā ho

naaz bhī tum ko milā andāz bhī tum ko mile
kyā buto allāh bhī detā hai sūrat dekh kar

nāz-bardārī kī ujrat koī Thahrātā nahīñ
dene vaale de diyā karte haiñ mehnat dekh kar

ḳhafgī ho yā jafā.eñ hoñ yā mehrbāniyāñ
har rañg chashm-e-nāz kā achchhā lagā mujhe

nāz-o-niyāz āshnā taġhāful-e-e'tibār
haa.e kis ehtimām se tum ne mujhe miTā diyā

ye be-takalluf phirā rahī hai kashish dil-e-āshiqāñ kī us ko
vagarna aisī nazākatoñ pe ḳhirām-e-nāz ik qadam na hotā

jaate ho kahāñ ishq ke bedād-kahso tum
us anjuman-e-nāz meñ kyā kaam tumhārā

bas-ki haiñ ham ik bahār-e-nāz ke maare hue
jalva-e-gul ke sivā gard apne madfan meñ nahīñ