Tags-Naqab

kabhī to ulTe sar-e-ām vo naqāb apnī
taras rahe haiñ sabhī bāda-e-inab ke liye

nazzāre ne bhī kaam kiyā vaañ naqāb kā
mastī se har nigah tire ruḳh par bikhar ga.ī

vafūr-e-sharm se us āftāb-e-husn ke aage
jahāñ kā har hasīñ Daale hue muñh par naqāb aayā

jis raat naqāb us mah-e-kāmil ne ulaT dī
tāroñ ko nishān-e-mah-e-anvar na milegā

husn ko ye ġham ki jalve ho rahe haiñ be-naqāb
ishq ko ye fikr nāmūs-e-nazar rusvā na ho

be-naqāb un kī jafāoñ ko kiyā hai maiñ ne
vaqt ke haath meñ ā.īna diyā hai maiñ ne

nuur vo hai ki kuchh nahīñ khultā
hai tire ruḳh pe yā naqāb nahīñ

aah ko sun ke muñh chhupāte ho
ek jhoñke kī bhī naqāb nahīñ

chāñd ko raat kyā chhupā.egī
zulf ruḳh ke liye naqāb nahīñ

ban gayā hai naqāb chehre kī
ki utartā kabhī itaab nahīñ

tujhe ḳhalq kahtī hai ḳhud-numā tujhe ham se kyuuñ ye hijāb hai
tirā jalva terā hai parda-dar tere ruḳh pe kyuuñ ye naqāb hai

baam o dar par hai sholagī raqsāñ
husn ko be-naqāb dekhā hai

naqāb us ne ruḳh-e-husn-e-zar pe Daal diyā
ki jaise shab kā añdherā sahar pe Daal diyā

ġhalat kahūñ to mirī āqibat bigaḌtī hai
jo sach kahūñ to ḳhudī be-naqāb ho jaa.e

ḳhayāl us ke badan kī galiyoñ ko DhūñDtā hai
vo jis ko dekhā to hairatoñ ko naqāb dekhā

sab ke chehroñ pe haiñ aḳhlāq-o-muravvat ke naqāb
kis ko apnā yahāñ aur kis ko parāyā kahiye

naqāb-e-ruḳh ulaT kar us ne chashm-e-shauq ke parde
samajh meñ kuchh nahīñ aatā uThā.e haiñ girā.e haiñ

gulāb suukh na jaa.e kitāb meñ rakkhā
pas-e-naqāb hī chehra na ḳharch ho jaa.e

raat mahfil meñ vo be-naqāb aa.e the
aur ham ne ye samjhā sahar ho ga.ī

savāl-e-vahshat-e-jāñ ke javāb āhista āhista
but-e-kāfir uThāte haiñ naqāb āhista āhista