English
Favourite
Favourite
UrduShayarUrduShayar
Expand menu
Sign inAccount

Tags-Neend

niiñd ko bhī niiñd aa jaatī hai hijr-e-yār meñ
chhoḌ kar be-ḳhvāb mujh ko aap so jaatī hai niiñd
Ghazal
 wasl mein raftar-e-mashuqana dikhlati hai nind
kū-e-jānāñ se jo uThtā huuñ to so jaate haiñ paañv
daf.atan āñkhoñ se paañv meñ utar aatī hai niiñd
Ghazal
 wasl mein raftar-e-mashuqana dikhlati hai nind
furqat-e-dildār meñ sahvan agar aatī hai niiñd
aañkh se bāhar hī bāhar aa ke phir jaatī hai niiñd
Ghazal
 wasl mein raftar-e-mashuqana dikhlati hai nind
is mirī dīvāngī par ai junūñ patthar paḌeñ
aañkh ke Dhele lagātā huuñ agar aatī hai niiñd
Ghazal
 wasl mein raftar-e-mashuqana dikhlati hai nind
furqat-e-dildār meñ sone ko marnā kahte haiñ
āshiqoñ meñ ḳhvāb-e-marg aise hī kahlātī hai niiñd
Ghazal
 wasl mein raftar-e-mashuqana dikhlati hai nind
muntazir rakhtī hai ġhamze kartī hai aatī nahīñ
o but-e-tarsā tirī furqat meñ tarsātī hai niiñd
Ghazal
 wasl mein raftar-e-mashuqana dikhlati hai nind
yād-e-chashm-e-surmagīñ meñ shab ko gar aatī hai niiñd
sūrat-e-murġh-e-nigah āñkhoñ se uḌ jaatī hai niiñd
Ghazal
 wasl mein raftar-e-mashuqana dikhlati hai nind
ye āñkheñ niiñd kī vaadī meñ jā kar lauT ātīñ haiñ
vo vaadī maut kī hotī hai aur sapnā nahīñ hotā
Ghazal
 koi jab chhoD jata hai to dil ki maut hoti hai
shab ko ik baar khul ke rotā huuñ
phir baḌe sukh kī niiñd sotā huuñ
Sher
 shab ko ek bar khul ke rota hun
niiñd kī saudāgarī kartā huuñ maiñ
bas yahī ik chākarī kartā huuñ maiñ
Ghazal
 nind ki saudagari karta hun main
niind adhūrī rah jaatī hai
sote sote Dar jaatā huuñ
Ghazal
 tughyani se Dar jata hun
hamārī āñkhoñ pe ġhalba hai niiñd kā ab bhī
lage hue haiñ ka.ī roz se Thikāne ham
Ghazal
 kahan se bunte nae rose tane-bane hum
niiñd kī rāhatoñ se nahīñ mutma.in silsila dhaḌkanoñ kā
phir dil-e-zār ra.anā.iyoñ meñ guñdhā ratjagā chāhtā hai
Ghazal
 aaj viraniyon mein mera dil naya silsila chahta hai
aaj fursat hai to 'zehrā' faisla ab ḳhud karo
chain khoyā niiñd khoī ab kyā khonā chāhiye
Ghazal
 jo nahin mumkin kabhi mumkin wo hona chahiye
niiñd aa jaa.e biite qissoñ ko
har sahar ik na.ī ḳhabar jaage
Ghazal
 ek main aur ek qamar jage
ujlī ujlī ḳhvāhishoñ par niiñd kī chādar na Daal
yaad ke rauzan se kuchh taaza havā bhī aa.egī
Sher
 ujli ujli KHwahishon par nind ki chadar na Dal
niiñd meñ gungunā rahā huuñ maiñ
ḳhvāb kī dhun banā rahā huuñ maiñ
Ghazal
 nind mein gunguna raha hun main
vo shai de jis se niiñd aa jaa.e aql-e-fitna-parvar ko
ki dil āzurda-e-tam.īz-e-lutf-o-jaur hai saaqī
Nazm
 saqi
haa.e vo din guzar ga.e joshish-e-iztirāb ke
niind qafas meñ aa ga.ī ab ġham-e-bāl-o-par kahāñ
Ghazal
 garam-e-talash-o-justuju ab hai teri nazar kahan
ye kyā huā ki niiñd hī āñkhoñ se uḌ ga.ī
kuchh kuchh zabān-e-ḳhvāb samajhne lagā thā maiñ
Ghazal
 chehron ko be-naqab samajhne laga tha main
Top Urdushayar.com