Tags-Neend

niiñd ke vāste vaise bhī zarūrī hai thakan
pyaas bhaḌkā.eñ kisī saa.e kā pīchhā kar aa.eñ

kirchī kirchī ḳhvāb hue to āñkheñ ḳhuuñ meñ Duub ga.iiñ
niiñd kī khiḌkī toḌ ke koī saarī raat jagātā hai

āñkhoñ meñ chubhtī hai niiñd
merī ghaat meñ bistar hai

niiñd kā rasta chhoTā hai
jis meñ ḳhvāb kī Thokar hai

raat hamārī maañ jaisī hai
niiñd hamārī aañkh meñ rakh kar

sub.h ke tiin bajne vaale haiñ
niiñd hai duur merī āñkhoñ se

maiñ kachchī niiñd se jaagī na jaane aaj phir kaise
koī us paar se shāyad mujhe phir se pukārā ho

koī to sub.h aisī ho ki jab maiñ niiñd se jāgūñ
mirī pahlī nazar ko bas vahī chehra nazārā ho

āñkheñ jhapkī jaatī haiñ matvālī kī sī sūrat hai
jaage kis kī sohbat meñ jo niiñd ke itne maate ho

hijr kī raat thī jāgnā shart thā
chāñdnī niiñd ke par banātī rahī

sehr-e-talab na ḳhvāb-e-fusūñ mujh ko mil gayā
niiñd aa ga.ī to ḳhud hī sukūñ mujh ko mil gayā

niiñd āvegī na tanhā 'bedār'
tā na ḳhvāb us se baham kījiyegā

tere ġham kā tadāruk kiyā to hameñ sharm aa jā.egī aur mar jā.eñge
ḳhvāb-āvar davā ham ne le lī to phir niiñd ke kizb se zaḳhm bhar jā.eñge

ho ga.ī ḳhatm ik kiran ke saath
raat bhī niiñd bhī kahānī bhī

pakke gharoñ ne niiñd bhī āñkhoñ kī chhīn lī
kachche gharoñ meñ raat ko ham jāgte na the

niiñd ke raushan baab kī ab bhī gunjā.ish hai
āñkhoñ meñ ik ḳhvāb kī ab bhī gunjā.ish hai

pyārā sā ḳhvāb niiñd ko chhū kar guzar gayā
māyūsiyoñ kā zahr gale meñ utar gayā

phir us ke ba.ad to āñkhoñ se niiñd ġhā.eb thī
kisī ḳhayāl ne ehsās ko jhiñjhoḌā thā

niiñd kā kaam garche aanā hai
merī āñkhoñ meñ par nahīñ aatī

niiñd be-ḳhvāb chāhte the ham
raat be-rañg chāhte the ham