Tags-Nigaah

tīr-e-nigāh-e-yār kā kyā hogā toḌ jab
siine ke paar yaar kā paikāñ nikal gayā

bheḌiye kī nigāh hai jin par
aisī bheḌoñ ko hāñktā huuñ maiñ

rañj-o-mehan nigāh jo phereñ to pher leñ
lekin mujhe aziiz haiñ rañj-o-mehan abhī

hai ilm kī nigāh se pinhāñ rah-e-amal
kahte nahīñ kafan ko yahāñ pairahan abhī

mirī nigāh meñ haa.el the barg-o-bār-e-ḳhizāñ
ghirā huā maiñ ajab sāya-e-shajar se thā

kyā sharh-e-nigāh-e-dost karūñ dekhā hī nahīñ kuchh is ke sivā
hotā hai ināyat dard bahut aur dard kā darmāñ kuchh bhī nahīñ

chhalke sharāb barq gire yā jaleñ charāġh
zikr-e-nigāh-e-yār kā mausam na aa.egā

ab ye dil o nigāh ke bas meñ nahīñ rahā
har ā.īñe meñ aks-e-ruḳh-e-yār dekhnā

sīdhī nigāh meñ tirī haiñ tiir ke ḳhvās
tirchhī zarā huī to haiñ shamshīr ke ḳhvās

us ik nigāh kī tāsīr yuuñ samajh liije
ham apne aap se milne meñ Darne lagte haiñ

thak ga.ī taare ginte ginte nigāh
māh-sīmā nazar nahīñ aatā

misāl-e-paikar-e-sīmāb-e-iztirāb mudām
pa-e-nigāh-e-karam sharh-e-ārzū huuñ maiñ

maiñ jāntā huuñ sharm se bojhal nigāh ko
ye nañgī ḳhvāhishoñ kā purānā libās hai

jhuktī hai nigāh us kī mujh se mil kar
dīvār se dhuup utar rahī hai goyā

tū ne adā se dekh kar majbūr kar diyā
tīr-e-nigāh dil ke mire ār-pār hai

kisī ke jalve taḌap rahe haiñ hudūd-e-hosh-o-ḳhirad se aage
hudūd-e-hosh-o-ḳhirad se aage nigāh kī dastaras nahīñ hai

bas ik nigāh-e-karam hai kaafī agar unheñ pesh-o-pas nahīñ hai
zahe tamannā ki merī fitrat asīr-e-hirs-o-havas nahīñ hai

nigāh-e-dīda-e-dil se nazar nahīñ aatā
ḳhayāl-e-yār bhī do do pahar nahīñ aatā

nigāh-e-adl se dekheñ to mīr-e-mahfil ke
jalāl-o-māl muāvin haiñ aib-poshī meñ

vo kam-nigāh thā kam-zarf to na thā ki mujhe
pyāla de bhī gayā tishnagī baḌhā bhī gayā