Tags-Nigaah

nigāh-e-nāz aksar dāstāñ ma.alūm hotī hai
kisī kī aañkh ham-vasf-e-zabāñ ma.alūm hotī hai

zanjīr zulf-e-siyāh samundar nigāh-e-shoḳh
jā.ūñ kahāñ farār kā rasta koī to ho

vafā udaas huī thī fareb khā khā kar
mirī nigāh se guzrī to mushk-bār guzrī hai

rah-o-rasm qalb o nigāh ke vo tumhāre daave nibāh ke
vo hamārā sheḳhī baghārnā tumheñ yaad ho ki na yaad ho

shabāhateñ sī ġhubār-e-had-e-nigāh meñ haiñ
pas-e-falak kahīñ ahl-e-zamīñ bhī rahte haiñ

shauq ko be-adab kiyā ishq ko hausla diyā
uzr-e-nigāh-e-dost ne jurm-e-nazar sikhā diyā

chehra khulā sā un kī nazar ke qarīb thā
pesh-e-nigāh dard-e-nihāñ kyuuñ nahīñ huā

shamīm-e-zulf se us kī mahak jaatī thī kul vaadī
nigāh-e-mast se us kī bahak jaatī thī kul vaadī

har par-e-bulbul kuuñ ai ḳhūnīñ-nigāh
ḳhūn-e-gul siiñ karbalā karte ho tum

'zeb' ab zad meñ jo aa jaa.e vo dil ho ki nigāh
us kī raftār hai chalte hue jaadū kī tarah

nahīñ phuul maiñ ki mirī taraf kisī ḳhush-nazar kī nigāh ho
maiñ to ek zard sā paat huuñ kahīñ rāste meñ paḌā huā

ye kah rahī hai mujh se kisī kī nigāh-e-sharm
fursat agar hayā se mile shoḳhiyāñ karūñ

ho ga.e haiñ jamā ajzā-e-nigāh-e-āftāb
zarre us ke ghar kī dīvāroñ ke rauzan meñ nahīñ

tilism-ḳhāna-e-dil meñ hai chār-sū raushan
mirī nigāh ke zulmat-kade meñ tū raushan

adū-e-bad-gumāñ kī dāstāñ kuchh aur kahtī hai
magar terī nigāh-e-ḳhush-bayāñ kuchh aur kahtī hai

Dhaltī rahī nigāh meñ chehroñ kī chāñdnī
nāzil hue yaqīn gumānoñ pe rāt-bhar

jise dard-e-nāla-o-āh hai jo shahīd-e-teġh-e-nigāh hai
shab-e-hijr us kī gavāh hai vo 'habīb'-e-sīna-figār hai

yaqīn chāñd pe sūraj meñ e'tibār bhī rakh
magar nigāh meñ thoḌā sā intizār bhī rakh