Tags-Nigaah

jahāñ pe jalva-e-jānāñ hai anjuman-ārā
vahāñ nigāh kī manzil tamām hotī hai

tumhāre husn kī tasḳhīr aam hotī hai
ki ik nigāh meñ duniyā tamām hotī hai

vahāñ pe chal mujhe le kar mire samand-e-ḳhayāl
jahāñ nigāh kī mastī harām hotī hai

tirī nigāh ke qurbāñ tirī nigāh kī Tiis
ye nā-tamām hī rah kar tamām hotī hai

shikār karte haiñ ab log ek tiir se do
kahīñ nigāh kahīñ par nishāna Thiik hai kyā

churātā hai vo kāfir aañkh mujh se
nigāh-e-chashm-e-hasrat dekh lī hai

shikasta-hāl huuñ rañj-o-alam se chuur huuñ maiñ
nigāh-e-lutf se ab kyā sañvārtā hai mujhe

kuchh aisī iltifāt-numā thī nigāh-e-dost
hote rahe tabāh shikāyat na kar sake

suno ki joñk lagā.ī hai maiñ ne patthar meñ
maiñ ik nigāh kā shīsha badal ke aayā huuñ

tumhārā ālam-e-mastī Dhakā-chhupā hī sahī
mirī nigāh hai TuuTe hue pyāloñ par

mirī nigāh ko ab bhī tirī zarūrat hai
dil-e-tabāh ko ab bhī tirī zarūrat hai

sitam hī karnā jafā hī karnā nigāh-e-ulfat kabhī na karnā
tumheñ qasam hai hamāre sar kī hamāre haq meñ kamī na karnā

ik nau-bahār-e-nāz ko taake hai phir nigāh
chehra faroġh-e-mai se gulistāñ kiye hue

dauḌe hai phir har ek gul-o-lāla par ḳhayāl
sad-gulistāñ nigāh kā sāmāñ kiye hue

ye nigāh tirchhī ye bal abrūoñ kā
har adā hai dilkash magar imtihānī

nigāh-e-nāz se vo dekh kar nazreñ churātā hai
hamārā dil 'ḳhizar' mashq-e-sitam yuuñ bhī hai aur yuuñ bhī

maiñ faizyāb-e-gardish-e-sāġhar nahīñ huā
kyuuñ ai nigāh-e-dost ye kyūñ-kar nahīñ huā

batā.e detī hai be-pūchhe raaz sab dil ke
nigāh-e-shauq kisī kī nigāh se mil ke

nigāh-e-yār, ġham-e-jāñ-gusil kā kyā hogā
tire karam se nasīb-e-vafā sañvar hī na jaa.e

ḳharāb rahte the masjid ke aage mai-ḳhāne
nigāh-e-mast ne saaqī kī intiqām liyā