Tags-Nigaah

dil se bhī us nigāh kā jaadū chhupā liyā
nādāñ hai sādgī meñ kahīñ kuchh batā na de

ye be-ḳhudī hai mire aish-e-zindagī kī kafīl
nigāh-e-shauq abhī mahv-e-rū-e-jānāñ hai

tirī nigāh samajhtī hai yā nahīñ dekhūñ
lab-e-ḳhamosh meñ koī savāl pinhāñ hai

pursish-e-ġham ke saath thī shirkat-e-ġham nigāh meñ
kitnā malāl le ga.e kitnā malāl de ga.e

badan pe hāshiya likhnā nigāh par tafsīr
muqallidīn haiñ shoḳhī ke apnī shaiḳh ka.ī

is ik nazar se ba-zāhir jo multafit bhī na thī
mirī nigāh ne paiġhām paa.e haiñ kyā kyā

sub.h be-nūr shaam be-māya
luT ga.ī daulat-e-nigāh kahāñ

kareñge ahl-e-nazar taaza bastiyāñ ābād
mirī nigāh nahīñ sū-e-kūfa-o-baġhdād

merī nigāh meñ kuchh is tarah samā jaao
nigāh ḳhud pe bhī Dāloñ agar to paañv tumheñ

husn bhī hai panāh meñ ishq bhī hai panāh meñ
ik tirī nigāh meñ ik mirī nigāh meñ

lāla-o-gul kī mahfileñ apnī jagah pe kuchh na thī
jām-e-bahār ban ga.e khiñch ke mirī nigāh meñ

ḳhūgar-e-zulm-o-jaur ko shikva-e-iltifāt hai
qalb se uTh ke chhā ga.ī ġham kī ghaTā nigāh meñ

ik nigāh-e-karam jo ho jaatī
phir to beḌā hī paar ho jaatā

na vo is tarah badalte na nigāh pher lete
jo na bebasī kā merī unheñ e'tibār hotā

jamīl-tar haiñ gul o laala faiz se is ke
nigāh-e-shā.ir-e-rañgīñ-navā meñ hai jaadū

maiñ nau-niyāz huuñ mujh se hijāb hī aulā
ki dil se baḌh ke hai merī nigāh be-qābū

nigāh-e-nāz ki vābasta-e-jigar thī kabhī
batā fareb-e-tamannā ki sarsarī kyuuñ hai

bisāt-e-dahr sahī jalva-gāh-e-husn-e-azal
nigāh-e-shauq fuġhāñ-sanj-e-tishnagī kyuuñ hai

yahī hai dil kī halākat yahī hai ishq kī maut
nigāh-e-dost pe iz.hār-e-bekasī ho jaa.e

kisī kī jab aas TuuT jaa.e to ḳhaak vo aasrā lagā.e
shikasta dil kar ke mujh ko zālim nigāh ab kyā milā rahā hai