Tags-Nigaah

badal sakte ho tum bigḌī huī qismat zamāne kī
tumhārī ik nigāh-e-nāz se kyā ho nahīñ saktā

havā kā kyā hai havā ruḳh badaltī rahtī hai
tirī nigāh agar aaj idhar nahīñ na sahī

jism kyā ruuh kī hai jaulā-nigāh
ruuh kyā ik savār-e-pā-ba-rikāb

uThī nigāh to apne hī rū-ba-rū ham the
zamīn ā.īna-ḳhāna thī chār-sū ham the

dīdār kī gursañgī apnī yahīñ se dekh
ik hī nigāh yāroñ kī auqāt ho ga.ī

gardish nigāh-e-mast kī mauqūf sāqiyā
masjid to shaiḳh jī kī ḳharābāt ho ga.ī

thī nigāh pahle to us kī vuuñ kahīñ dostī meñ huā hai yuuñ
diyā us ne dil kahīñ aur kyuuñ yahī 'mus.hafī' kā gunāh hai

na vo va.ada-e-sar-e-rāh hai na vo dostī na nibāh hai
na vo dil-farebī ke haiñ chalan na vo pyārī pyārī nigāh hai

auroñ kī taraf tū dekhtā hai
īdhar bhī to kar nigāh zālim

tū nigah kī na kī ḳhudā jaane
ham to Dar se kabhū nigāh na kī

jahāñ azal se ghaTā-Top zulmateñ haiñ muhīt
vahāñ bhī aaj farozāñ nigāh-e-ādam hai

vo ik nigāh ki mafhūm jis ke lākhoñ haiñ
usī nigāh kā ik aasrā sā rahtā hai

ho gayā tā.ir-e-dil said-e-nigāh-e-be-qasd
sa.ī-e-bāzū kī yahāñ shart na thī tiir ke saath

jachte nahīñ nigāh meñ ḳhushiyoñ ke āftāb
dil DhūñDhtā hai kis ġham-e-zohra-e-jamāl ko

tulū-e-sā.at-e-shab-ḳhūñ hai aur merā dil
kisī sitāra-e-bad kī nigāh meñ aayā

dil-e-majbūr pe is tarah se pahuñchī vo nigāh
jaise usfūr pe par tol ke shahbāz aayā

vo bazm dekhī hai merī nigāh ne ki jahāñ
baġhair sham.a bhī jalte rahe haiñ parvāne

vo sahme sahme judā.ī ke muztarib lamhe
mirī nigāh meñ ik baar phir basā diije

ik shab ridā-e-abr se bāhar nikal ke aa
kis kis ko hai nigāh pe qaabū bhī dekh le