Tags-Nigaah

ġhazab huā ki in āñkhoñ meñ ashk bhar aa.e
nigāh-e-yās se kuchh aur kaam lenā thā

nahīñ nigāh meñ manzil to justujū hī sahī
nahīñ visāl mayassar to aarzū hī sahī

bhuul baiThī vo nigāh-e-nāz ahd-e-dostī
us ko bhī apnī tabī.at kā samajh baiThe the ham

kuchh ishāre the jinheñ duniyā samajh baiThe the ham
us nigāh-e-āshnā ko kyā samajh baiThe the ham

satvat se tere jalva-e-husn-e-ġhuyūr kī
ḳhuuñ hai mirī nigāh meñ rañg-e-adā-e-gul

mizhgāñ talak rasā.ī-e-laḳht-e-jigar kahāñ
ai vaa.e gar nigāh na ho āshnā-e-gul

nigāh o dil ke tamām rishte fazā-e-ālam se kaT ga.e haiñ
judā.iyoñ ke azaab mausam bisāt-e-hastī ulaT ga.e haiñ

ye ḳhūb-rū na chhurī ne kaTār rakhte haiñ
nigāh-e-lutf se aalam ko maar rakhte haiñ

har ik nigāh pe khultā nahīñ vo dar 'rāhīl'
udhar kā rāsta sālār-e-kārvāñ se na pūchh

phirī kyuuñ kar nigāh-e-sāqī-e-gulfām kyā kahiye
bharī mahfil meñ asbāb-e-shikast-e-jām kyā kahiye

ka.ī taḌapte haiñ āshiq ka.ī sisakte haiñ
is aarzū meñ ki vo sañg-dil nigāh kare

na faroġh-e-rū-e-tābāñ na nigāh-e-nūr-afshāñ
mire iztirāb-e-dil se mirā raaz āshkārā

havā-e-aks-e-bahār-o-ḳhizāñ nahīñ hai faqat
agar nigāh karo phuul paat se aage

mire qasr-e-tamannā kī nigahbāñ
nigāh-e-nāz kī begānagī hai

kyā taqāzā kījiye un se nigāh-e-lutf kā
be-niyāzī hai vahāñ yaañ sogvārī in dinoñ

barq-e-ḳhirman-zār gauhar hai nigāh-e-tez yaañ
ashk ho jaate haiñ ḳhushk az-garmī-e-raftār-e-dost

āshnā jab tak na thā us kī nigāh-e-lutf se
vārdāt-e-qalb ko husn-e-bayāñ samjhā thā maiñ

hamārā zauq-e-nigāh ab tak hai gumrahī kī naqāb oḌhe
ajab tamāshā hai tere jalvoñ meñ mah-jabīñ raushnī nahīñ hai

charāġh-e-shab ne mujhe apne ḳhvāb meñ dekhā
sitāra-e-saharī ḳhush-nigāh mujh se huā

bahut na hausala-e-izz-o-jāh mujh se huā
faqat farāz-e-nagīn-o-nigāh mujh se huā