Tags-Aitbaar

vahdat meñ e'tibār-e-hudūs-o-qidam nahīñ
thā jo butūn meñ ye vahī to zuhūr hai

ālam-e-pīrī meñ kyā mū-e-siyah kā e.atibār
sub.h-e-sādiq detī hai jhūTī gavāhī raat kī

ye kaun sāvanoñ meñ ḳhvāb dekhtā hai dhuup ke
ye kis ne e'tibār-e-ġham pas-e-gumān kho diyā

tū ne qasam mai-kashī kī khaa.ī hai 'ġhālib'
terī qasam kā kuchh e'tibār nahīñ hai

ab ghuTan hī behtar hai apne āshiyānoñ kī
e'tibār mat karnā ātishī havāoñ kā

maiñ nahīñ huuñ kisī bhī laa.eq par
aap ko e'tibār aaj bhī hai

jis kī dīd-o-talab vahm samjhe the ham rū-ba-rū phir sar-e-rahguzār aa gayā
sub.h-e-fardā ko phir dil tarasne lagā umr-e-rafta tirā e'tibār aa gayā

sunā hai us ne ḳhizāñ ko bahār karnā hai
ye jhuuT to hai magar e'tibār karnā hai

ye surma chashm-e-adū ke liye uThā rakkheñ
vo ḳhaak Dālte haiñ chashm-e-etibār meñ kyā

bañdhā hai ahd-e-junūñ chashm-e-etibār ke saath
use kaho ki jiye azm-e-ustuvār ke saath

na gile rahe na gumāñ rahe na guzārisheñ haiñ na guftugū
vo nishāt-e-vāda-e-vasl kyā hameñ e.atibār bhī ab nahīñ

kyā dete ham kisī ko duā-e-salāmtī
apnī hī zindagī kā kise e'tibār thā

ye marhala bhī kisī imtihāñ se kam to nahīñ
vo shaḳhs mujh pe bahut e'tibār kartā hai

aise meñ e'tibār kisī par na thā mujhe
maiñ bhī thā saath saath jidhar intizār thā

nazar sameTeñ baTor kar intizār rakh deñ
jo us pe thā ab talak hameñ e'tibār rakh deñ

mujhe raas aa.eñ ḳhudā kare yahī ishtibāh kī sā.ateñ
unheñ aitabār-e-vafā to hai mujhe aitabār-e-sitam nahīñ

kyā kyā na e'tibār diyā ik sarāb ne
har-chand tishna-lab the magar dekhte rahe

tujhe chāhiye jo koī ḳhabar mirī kāvishoñ meñ talāsh kar
mirā e'tibār hai aql par maiñ asiir kab huuñ qayās kā

dil ne mujhe ḳharāb kiyā kū-e-yār meñ
dushman par e'tibār mujhe dostī kā thā

na tum ko ḳhud pe bharosa na ham ko zom-e-vafā
na e'tibār-e-jahāñ hai qarīb aa jaao