Tags-Pani

garmī kī lū meñ tapne ke ba.ad hī paanī kā hai maza
tujh ko jītnā āsāñ thaa, ham jaan ke tujh ko haare haiñ

jhiil ke sūkhte paanī ko dilāse detī
aur bārish ke liye ashk bahāyā kartī

tishna-e-ḳhūn-e-tamāshā jo vo paanī māñge
aa.ina ruḳhsat-e-andāz-e-ravānī māñge

hoñT kī surḳhī jhāñk uThtī hai shīshe ke paimānoñ se
miTTī ke bartan meñ paanī pī kar pyaas bujhāyā kar

na us meñ mai hai na paanī to pyaas kaise bujhe
ye zindagī mujhe TuuTā huā gilās lagī

use yaqīn hai apne ḳhudā kī rahmat par
jo tapte sahrā meñ paanī talāsh kartā hai

sarāb-e-sahrā meñ paanī talāsh kartā hai
vo daldaloñ meñ ravānī talāsh kartā hai

uTh ga.e duniyā se lekin ek duniyā ho ga.e
bulbule paanī ke the TuuTe to dariyā ho ga.e

do kināre hoñ to sail-e-znidagī dariyā bane
ek had lāzim hai paanī kī ravānī ke liye

sabhī tālāb phūloñ aur kirnoñ se bharā thā
badan ḳhush-rañg paanī se nikhāre jā rahe the

sunahrī jal-parī dekhī to phir paanī meñ kuude
vagarna ham to dariyā ke kināre jā rahe the

jaane kyā barsā thā raat charāġhoñ se
bhor samay sūraj bhī paanī paanī hai

ba-qadr-e-zauq mere ashk-e-ġham kī tarjumānī hai
koī kahtā hai motī hai koī kahtā hai paanī hai

jo aa ke ruke dāman pe 'sabā' vo ashk nahīñ hai paanī hai
jo ashk na chhalke āñkhoñ se us ashk kī qīmat hotī hai

riñd huuñ de mujhe jām-e-mai-at.har kī ḳhabar
tujh ko kausar kā mubārak rahe paanī vaa.iz

terī tā.īd kī tasvīr se jī uTThe the
nahīñ ma.alūm thā ye ret hai paanī ruḳhsat