Collections

Lab Shayari

Motivational Ghazals

Best Khamoshi Shayari

More Collections

Tags-Parinda

qafas kā dar khulā ik nīm-jāñ kam-sin
parinda chand ḳhasta zā.ichoñ par raqs ke andāz meñ aage

sar-e-rahguzar ek manzar

ḳhauf se sahmā huā hai dil parinda aaj bhī
sar se sailāb-e-alam guzre hue arsa huā

saat-e-asudgi dekhe hue arsa hua

havā meñ lafz likkhe jā rahe haiñ
koī zaḳhmī parinda uḌ rahā hai

kabhi jo nur ka mazhar raha hai

ik parinda lapak ke pahuñchā thā
phir bhī pyāsā rahā ghaTā ke qarīb

hum na jaenge rahnuma ke qarib

ka.ī tabdīliyāñ hotī haiñ insānoñ kī bastī meñ
parinda koī dekhā hai jo apnā ghar badaltā hai

na chehra hi badalta hai na wo tewar badalta hai

chaman meñ gūñje sadā bhī to kis tarah gūñje
parinda shāḳh pe bolā to hai magar tanhā

main ek musafir-e-tanha mera safar tanha

phaḌ-phaḌāyā mire bāhar koī
aur parinda mire andar niklā

hujra-e-KHwab se bahar nikla

ek parinda chīḳh rahā thā masjid ke mīnāre par
duur kahīñ gañgā ke kināre aas kā sūraj Dhaltā thā

jagmag jagmag uski aankhen mera sina julta tha

uḌ chalā vo ik judā ḳhāka liye sar meñ akelā
sub.h kā pahlā parinda āsmāñ bhar meñ akelā

din ko daftar mein akela shab bhare ghar mein akela

shāḳh-dar-shāḳh hotī hai zaḳhmī
jab parinda shikār hotā hai

dost jab zi-waqar hota hai

ghanerā ho shajar kitnā nahīñ shādāb gar shāḳheñ
to in shāḳhoñ pe phir aanā parinda chhoḌ jaatā hai

apahij bap ko beTa akela chhoD jata hai

chālāk parinda thā vo bhī
ham ne bhī daam bikher diyā

jahan lamha-e-sham bikher diya

ik parinda sunā rahā thā ġhazal
chaar chhe peḌ mil ke sunte the

munh-zabani quran paDhte the

yuuñ to har mausam ke chehre par numāyāñ haiñ sutūr
ik parinda tak nahīñ lekin havā meñ duur duur

shahr aur main

aa kar girā thā koī parinda lahū meñ tar
tasvīr apnī chhoḌ gayā hai chaTān par

ham-jins agar mile na koi aasman par

sūraj lihāf oḌh ke soyā tamām raat
sardī se ik parinda darīche meñ mar gayā

chup-chap habs-e-waqt ke pinjre mein mar gaya

bas ek raat kā mehmān hai parinda yahāñ
use pata hī nahīñ shāḳh chāhtī kyā hai

jab uske samne suraj hawa nadi kya hai

ḳhushbū kī tarah miltā hai va.ada nahīñ kartā
mausam kā parinda hai Thikānā nahīñ kartā

KHushbu ki tarah milta hai wada nahin karta

shaam ke surma.ī añdhere meñ
ik parinda uḌaan bhartā hai

sham ki uDan

so maiñ ne āḳhir laraztā pattā hadaf banāyā
ki vo parinda to aaj bhī shāḳh par nahīñ thā

wajud ka inhisar go KHak par nahin tha