Tags-Parwana

ye kaisī aag abhī ai sham.a tere dil meñ baaqī hai
koī parvāna jal marne ko kyā mahfil meñ baaqī hai

sham.a bhī jalne pe āmāda thī parvāna bhī
ek jaisā hī thā matlūb-o-talabgār kā haal

sham.a soz-e-ġham kā qissa raat bhar kahtī rahī
de ke parvāna payām-e-muḳhtasar jaatā rahā

saarī maḳhlūq tamāshe ke liye aa.ī thī
kaun thā sīkhne vaalā hunar-e-parvāna

jhilmilāne lage fānūs tirī mahfil ke
koī parvāna magar sho.ala-ba-jāñ guzrā hai

āñdhī aur tūfān bhī is ko rok sake na rāhoñ meñ
duur se aayā hai parvāna sham.a hī par miT jaane ko

mirā soz-e-hastī hai dūr-az nadāmat
maiñ parvāna huuñ sham-e-mahfil nahīñ huuñ

jab bhī jalegī sham.a to parvāna aa.egā
dīvāna le ke jaan kā nazrāna aa.egā

safar is bazm se karne ko phir raj.at kī Thānī hai
gale phir aaj milne sham.a se parvāna aa pahuñchā

nisār-e-sham.a hone bazm meñ parvāna aa pahuñchā
qarīb-e-manzil-e-dīvangī dīvāna aa pahuñchā

taskīn-e-dil-e-soḳhta-e-shamm.a kī ḳhātir
kis shab par-e-parvāna se pañkhā nahīñ hotā

na sunā ab mujhe tū afsāna
jal uThe na kahīñ ye parvāna

bulbul ko mubārak ho havā-e-gul-o-gulshan
parvāne ko soz-e-dil-e-parvāna mubārak

sun ma.āl-e-soz-e-ulfat jab ye naam aa hī gayā
sham.a āḳhir jal-bujhī parvāna kaam aa hī gayā

patthar paḌeñ donoñ par ka.aba ho ki but-ḳhāna
donoñ se kahīñ achchhā dīvāne kā parvāna

us husn kā shaidā huuñ us husn kā dīvāna
har gul hai jahāñ bulbul har sham.a hai parvāna

muā aage hī jal kar sham.a se kyā ḳhuub samjhā thā
na saktā dekh parvāna sajan se anjuman ḳhālī

kuchh nahīñ ham dil-jaloñ kī be-qarārī kuchh nahīñ
terī mahfil vo hai jis meñ sham-e-parvāna rahe

nazroñ meñ tasādum dil meñ chubhan ik sham.a hai ik parvāna hai
donoñ hī meñ bāteñ hotī haiñ āvāz kā lekin naam nahīñ