Tags-Peace

dhuup ke saa.e meñ chup sādhe hue
kar rahe ho amn kā elaan kyā

nāqūs kī sadāoñ se aur na azaan se
nafrat hai us ko mulk ke amn-o-amān se

terī jafā na ho to hai sab dushmanoñ se amn
badmast ġhair mahv dil aur baḳht ḳhvāb meñ

mil ke sab amn-o-chain se rahiye
la.anteñ bhejiye fasādoñ par

'parvīñ' kī ye duā hai rahe amn mulk meñ
rabb-e-ġhafūr tū hī hai ġham-ḳhvār āj-kal

arsa-e-dahr pe sarmāya o mehnat kī ye jañg
amn o tahzīb ke ruḳhsār se uḌtā huā rañg

hañgāma hai na fitna-e-daurāñ hai āj-kal
har samt sham-e-amn farozāñ hai āj-kal

sharāfat ko mirī, kamzoriyāñ maanā sabhī ne
maiñ ḳhvāb-e-amn buntā thā lahū meñ san gayā huuñ

tirā dar chhoḌ kar jaa.eñ kahāñ ham
ki ye amn-o-amāñ kī sar-zamīñ hai

tū mirī amn-pasandī ko ġhalat naam na de
vaar sahtā hī nahīñ vaar bhī kar saktā huuñ

kal bhī navā-e-āgahī qīmat-e-sañg-o-ḳhisht thī
naġhma-e-amn-o-āshtī jins-e-girāñ hai aaj bhī

tā.at-e-amn-o-sukūñ kā dil ko lekin ho jo shauq
sabr par tab-e-havas-añgez ko raazī karo

haañ dil-e-be-tāb chande intizār
amn-o-rāhat kā Thikāna aur hai

pyāre beTe tū ne iiñT gaare cement aur sariye vaalā makān to banā liyā hai
merī duā hai ki ye mohabbat amn ḳhushī aur ḳhush-hāl se bharā ghar ban jaa.e

ma.asūm hai ma.asūm bahut amn kī devī
qabze meñ liye ḳhanjar-e-ḳhūñ-ḳhār abhī tak

go amn ho gayā hai vahāñ qatl-o-ḳhūñ ke ba.ad
darvāza sāzishoñ kā abhī tak khulā to hai

qadam-e-yār kā āvāza har ik gul par hai
amn chāhe jo ḳhizāñ se mirī pā-posh meñ aa

kamāñ pe chaḌh ke ba-shakl-e-ḳhadañg honā paḌā
harīf-e-amn se masrūf-e-jañg honā paḌā

amn kī devī ke haiñ pujārī amn ke ham parchārak haiñ
amn sandesa le kar sāthī nagar nagar ham jā.eñge

ḳhud us kī zaat abhī goliyoñ kī zad par hai
vo kaise shahr meñ amn-o-amān rakh degā