Collections

Lab Shayari

Motivational Ghazals

Best Khamoshi Shayari

More Collections

Tags-Phool

apnī taqdīr meñ sahrā hai to sahrā hī sahī
ābla-pāo! na.e phuul khilāte jaao

dosto bargah-e-qatl sajate jao

daraḳhtoñ par samar aane se pahle aa.e the phuul
phaloñ ke ba.ad kyā hogā pata karnā paḌegā

gali-kuchon mein hangama bapa karna paDega

har shaḳhs ke chehre pe hai kuchh aisī alāmat
jaise vo koī phuul hai talvār nahīñ hai

jaan-soz ghamon ka kahin izhaar nahin hai

sunā hai phuul ab khilte nahīñ haiñ
to kyā khul kar vo ab hañstā nahīñ hai

jise KHud se juda rakkha nahin hai

kis kis phuul kī shādābī ko masḳh karoge bolo!!!
ye to us kī den hai jis ko chāhe vo mahkā.e

bite KHwab ki aadi aankhen kaun unhen samjhae

phuul sahrā meñ khilā.e haiñ 'munavār' maiñ ne
taaki mahkī rahe kuchh der fazā mere ba.ad

sar uThaegi agar rasm-e-jafa mere baad

tum yaad mujhe aa jaate ho
jab sehn-e-chaman meñ kaliyāñ khil kar phuul kī sūrat hotī haiñ

tum yaad mujhe aa jate ho

phuul kāñToñ ke beach rahte haiñ
ḳhushbū titlī ke par pe baiThī hai

fikr-e-ahl-e-hunar pe baiThi hai

sair-e-bāzār-e-jahāñ karte hue ham ko chalā
dil kī qīmat kā pata phuul kī arzānī se

sair-e-bazar-e-jahan karte hue hum ko chala

dast-e-bahār-e-rañg ne ḳhushbū bikherī thī
phir apne aap phuul se titlī lipaT ga.ī

mujh tak nigah aai jo wapas palaT gai

hāthoñ meñ phuul liye aa.e haiñ sab log jahāñ
le ke aayā hai vahāñ paañv kā chhālā pāgal

ek hi zinda bacha hai ye nirala pagal

phuul tum toḌ laa.e shāḳhoñ se
kyā bahāroñ se pyaar jhūTā hai

ye tasawwur ka war jhuTa hai

kāñToñ meñ jo phuul khilā hai
jab dekho hañstā rahtā hai

kanTon mein jo phul khila hai

mire tilism se āzād bhī nahīñ lekin
vo phuul pahlī nazar meñ huā na thā merā

zamin meri rahegi na aaina mera

har ek shāḳh pe khilne lage bahār meñ phuul
har ek dil meñ uThī hai kasak mohabbat kī

chhupaen kis tarah aankhen chamak mohabbat ki

khilegā niiñd ke sahrā meñ jo bhī phuul 'sājid'
varā-e-lazzat-e-vahm-o-gumāñ raushan rahegā

zamin raushan rahegi aasman raushan rahega

sajātā rahtā huuñ kāġhaz ke phuul shāḳhoñ par
maiñ titliyoñ ko pareshān kartā rahtā huuñ

talash-e-rizq mein diwan karta rahta hun

ye kaun baaġh meñ 'sāhir' dikhā.ī dene lagā
ki phuul peḌ parinde ḳhushī manāte haiñ

hum aise log kahan manzilon ko pate hain

ye tere jism ko chhū kar pata chalā hai mujhe
ki narm phuul bahut jald suukh jaate haiñ

hum aise log kahan manzilon ko pate hain

aaj kī raat bhī kartā hai koī kufr kī baat
chāñd ke phuul meñ shabnam kī sharāb aa.ī hai

zindagi aaina hai aaina-arai hai