Tags-Aadmi

mirī zabān ke mausam badalte rahte haiñ
maiñ aadmī huuñ mirā e'tibār mat karnā

andāza aadmī kā kahāñ gar na ho sharāb
paimāna zindagī kā nahīñ gar subū na ho

har har qadam pe jaise ki biktā ho aadmī
bastī tamām misr ke bāzār sī lage

aadmī kyā vo na samjhe jo suḳhan kī qadr ko
nutq ne haivāñ se musht-e-ḳhāk ko insāñ kiyā

aadmī kam-go hai aur ghar se nikaltā bhī nahīñ
shahr meñ phir bhī 'munavār' kis qadar mash.hūr hai

apnī sochoñ ke mutābiq kuchh bhī kar saktā nahīñ
aadmī hālāt ke hāthoñ bahut majbūr hai

zarra havā meñ bhar ke banā aadmī kī shakl
qatra havā meñ bhar ke hai sūrat habāb kī

vo aadmī hī to insāniyat kā dushman hai
jo kah rahā hai ki insāñ hai kaun mere sivā

sab ashk pī gayā mire andar kā aadmī
maiñ ḳhushk ho gayā huuñ harā ho gayā vo shaḳhs

kyā farishte batā.eñge 'afqar'
ham se pūchho ki aadmī kyā hai

ba-qadr-e-paimāna-e-taḳhayyul surūr har dil meñ hai ḳhudī kā
agar na ho ye fareb-e-paiham to dam nikal jaa.e aadmī kā

ab jo patthar hai aadmī thā kabhī
is ko kahte haiñ intizār miyāñ

har aadmī vahāñ masrūf qahqahoñ meñ thā
ye āñsuoñ kī kahānī kise sunāte ham

yahī vo vaqt hai jab aadmī ko hosh aatā hai
ḳhudā kī yaad se ġhāfil Dil-e-pur-ġham nahīñ hotā

detā hai aadmī ko sahārā qadam qadam
ik tā.if-ul-ḳhayāl jo hai bhī nahīñ bhī hai

'zafar' aadmī us ko na jāniyegā vo ho kaisā hī sāhab-e-fahm-o-zakā
jise aish meñ yād-e-ḳhudā na rahī jise taish meñ ḳhauf-e-ḳhudā na rahā

qatl karte haiñ ādamiyat kā
aise hote haiñ aadmī tauba

aadmī justujū-e-rāh meñ hai
tujh ko zid hai rah-e-najāt kaTe

ab guftugū meñ beach se ġhā.eb hai aadmī
ham tak to aate aate rivāyat badal ga.ī

us ke dushman haiñ bahut aadmī achchhā hogā
vo bhī merī hī tarah shahr meñ tanhā hogā