Tags-Aadmi

ḳhūbsūrat hai sirf bāhar se
ye imārat bhī aadmī sī hai

jo ham-kalām ho ham se usī ke hote haiñ
ham ek vaqt meñ ek aadmī ke hote haiñ

aadmī hī ke banā.e hue zindāñ haiñ ye sab
koī paidā nahīñ hotā kisī zanjīr ke saath

ye shahar hai ki numā.ish lagī huī hai koī
jo aadmī bhī milā ban ke ishtihār milā

nazar ho ḳhvāh kitnī hī haqā.eq-āshnā phir bhī
hujūm-e-kashmakash meñ aadmī ghabrā hī jaatā hai

vo tund vaqt kī rau hai ki paañv Tik na sakeñ
har aadmī koī ukhḌā huā shajar sā lage

kise ḳhabar hai ki duniyā kā hashr kyā hogā
kabhī kabhī to mujhe aadmī se Dar sā lage

aadmī saada hai yā ḳhanjar-ba-kaf hai kyā pata
kis liye ye shor-e-mohmal saf-ba-saf hai kyā pata

aadmī pahchānā jaatā hai qayāfa dekh kar
ḳhat kā mazmūñ bhāñp lete haiñ lifāfa dekh kar

jab talak rahe jiitā chāhiye hañse bole
aadmī ko chup rahnā maut kī nishānī hai

vahī 'jāved' thā matlūb us ko
farishta ban gayā jo aadmī se

ġharībī amīrī hai qismat kā saudā
milo aadmī kī tarah aadmī se

ye bhī samajhne se huuñ maiñ qāsir ki aadmī kyoñ huā hai bartar
koī batā.e ki aadmī se yahāñ har ik shai hai qīmtī kyoñ

har ek hasrat ye jāntā hai milegī mushkil ke baad rāhat
to baad mushkil ke bārhā yaañ paḌā hai mushkil meñ aadmī kyoñ

jo duur jaa.e to ġham hai jo paas aa.e to dard
na jaane kyā hai vo kambaḳht aadmī dekho

ek būḌhe ne kiyā asr-e-ravāñ pe tabsira
ye zamāna aadmī kā hai ki zor-o-zar kā hai

yaqīnan zulm kī har baat sun kar kahne vaale se
kahegā ye har achchhā aadmī achchhī nahīñ lagtī

nahīñ kuchh aur to mumkin thī ḳhud-kushī phir bhī
hai koī baat ki jiitā hai aadmī phir bhī

mujh ko dekheñ 'nazar' jo kahte haiñ
ādmī, aadmī kā daarū hai

dekhne niklā huuñ apnā shahr jañgal kī tarah
duur tak phailā huā hai aadmī chāroñ taraf