Collections

Lab Shayari

Motivational Ghazals

Best Khamoshi Shayari

More Collections

Tags-Akhbaar

aḳhbār meñ rozāna vahī shor hai yaanī
apne se ye hālāt sañvar kyuuñ nahīñ jaate

hum aap qayamat se guzar kyun nahin jate

ḳhuun ke daaġh na aa jaa.eñ mire lahje meñ
is liye ġhazloñ ko aḳhbār banāyā na gayā

aasman mil na saka dharti pe aaya na gaya

hazāroñ kaam hoñ paḌhiye magar column zarūrat kā
mire bachche kā chehra sub.h ke aḳhbār jaisā hai

mera KHwab-e-tamanna saat-e-bedar jaisa hai

dāstāñ paḌh kar mirī aḳhbār meñ rotā hai vo
aa ke suntā dukh mirā merī zabānī kyuuñ nahīñ

barf se laDta tha mere pas pani kyun nahin

roz aḳhbār kī jaltī huī surḳhī paḌh kar
shahr ke log tumhāre nahīñ achchhe lagte

ye shafaq chand sitare nahin achchhe lagte

hai be-hisoñ kī bhiiḌ na hogā koī asar
aḳhbār meñ hazār girānī likhā karo

kuchh apne daur ki bhi kahani likha karo

tamām shaḳhsiyat us kī hasīñ nazar aa.ī
jab us ke qatl kī aḳhbār meñ ḳhabar aa.ī

tamam shaKHsiyat uski hasin nazar aai

sunī-sunā.ī pe hargiz kabhī amal na karo
hamāre haal ke aḳhbār dekhte jaao

tum aaina hi na har bar dekhte jao

hai yaqīñ chaal sitāroñ kī badal jā.egī
ek din sub.h kā aḳhbār use dekh ke dekh

ek manzar mein kai bar use dekh ke dekh

nāḳhudā dekh rahā hai ki maiñ girdāb meñ huuñ
aur jo pul pe khaḌe log haiñ aḳhbār se haiñ

peD ke patton mein halchal hai KHabar-dar se hain

'vasīm' zehn banāte haiñ to vahī aḳhbār
jo le ke ek bhī achchhī ḳhabar nahīñ aate

tumhaari rah mein miTTi ke ghar nahin aate

surḳhiyāñ aḳhbār kī galiyoñ meñ ġhul kartī rahīñ
log apne band kamroñ meñ paḌe sote rahe

hum bichhaD ke tum se baadal ki tarah rote rahe

jo chāhte ho ki aḳhbār chal paḌe apnā
to surḳhiyoñ ke liye hādse talāsh karo

junun hai zehn mein to hausle talash karo

ifshā hue asrār-e-junūñ jāma-darī se
chhāpe ga.e aḳhbār mirī be-ḳhabarī se

ifsha hue asrar-e-junun jama-dari se

ek din parcha lagā.eñge nakīrain zarūr
ye farishte nahīñ aḳhbār ke harkāre haiñ

aise pur-nur-o-ziya yar ke ruKHsare hain

huā aḳhbār se sābit savāb-e-hajj-e-akbar hai
ziyārat kar le ai ġhāfil dil-e-āgāh makka hai

na aaina hi us surat ke aage hakka-bakka hai

sab ke dukh sukh us ke chehre par likhe paa.e ga.e
aadmī kyā thā hamāre shahr kā aḳhbār thā

masjidon ke sahn tak jaana bahut dushwar tha

lagtā hai ki pinjre meñ huuñ duniyā meñ nahīñ huuñ
do roz se dekhā koī aḳhbār nahīñ to

inkar hi kar dijiye iqrar nahin to

be-kār hai be-ma.anī hai aḳhbār kī surḳhī
likkhā hai jo dīvār pe vo ġhaur-talab hai

is shahr-e-tilismat ka dastur ajab hai

raddī aḳhbār kī tarah
mujhe bech diyā gayā

Diary