Tags-Alam

ilm se baḌh ke kuchh bhī jahāñ meñ nahīñ
phuul aisā koī gulsitāñ meñ nahīñ

ilm se ham ko rāh-e-haqīqat milī
ilm par hai amal kī imārat khaḌī

ilm ne ḳhair na chāhī kabhī insānoñ kī
zarre barbād yūñhī to nahīñ vīrānoñ ke

hai savā-neze pe sūraj kā alam
tere ġham kī sā.ebānī bhī nahīñ

ilm ke dariyā se nikle ġhota-zan gauhar-ba-dast
vaa.e mahrūmī ḳhazaf chain lab sāhil huuñ maiñ

maiñ apne ḳhāliq se ḳhush huuñ misl-e-alī is qismat par
daulat ahl-e-jehl ne paa.ī ilm mujhe in.aam huā

ilm kā sahrā hai tā-hadd-e-nazar
ik musalsal tishnagī hai aur maiñ

istilāh-e-jihād aaj badlī hai yuuñ
karbalā hai na.ī aur alam bhī nayā

bhaḌak na jaa.e kahīñ sham-e-ilm-o-dānish bhī
junūñ junūñ hī rahe āgahī na ban jaa.e

kyā kabhī tū bhī vahāñ pahuñchā hai ai zulmat-ma.āb
jagmagātā hai jahāñ ilm-o-amal kā āftāb

yahī kaTe hue baazū alam kiye jaa.eñ
yahī phaTā huā siina sipar banāyā jaa.e

ilm ne aaj kurede haiñ vo zulmāt ke Dher
vaqt ne jis pe biThā.e the fanā ke pahre

ghanTī bajā ke bhāgte bachchoñ ko thoḌī ilm hai
rahtā nahīñ hai koī bhī aadmī is makān meñ

alam hai teġh-e-do-dam taire sar jhukā.e huuñ maiñ
tirī galī meñ bhī zālim bulandī pastī hai

koī neza mire siine meñ alam hotā hai
mirī shah-e-rag pe chamaktī huī shamshīr ko dekh

khol aah kā alam aur le ashk ke qashoñ ko
yuuñ maiñ bhī ho ke is dam tayyār ghar se niklā

be-soz hai bazm-e-ilm-o-dānish
sham-e-yaqīñ kā parvāna ban jā

ai muftiyān-e-shahr tumheñ ilm hī nahīñ
logoñ ne mere chāñd ko dekhā to iid kī

sipāh-e-ishrat pe fauj-e-ġham ne jo mil ke markab baham uThā.e
idhar to naale kā tāshā kaḌkā udhar fuġhāñ ne alam uThā.e

tālib-ilm-e-mohabbat jo maiñ thā tiflī meñ
thī nit āñkhoñ kī mire husn-e-ruḳh-e-yār se bahs