English
Favourite
Favourite
UrduShayarUrduShayar
Expand menu
Sign inAccount

Tags-Pyas

furāt tū ne bahattar kī tishnagī dekhī
tū phir bhī ḳhema-e-sādāt meñ nahīñ aayā
Ghazal
 ajib raat thi wo raat mein nahin aaya
dīvār-o-dar se us ke Tapaktī hai tishnagī
ik dasht-e-be-karāñ hai mirā ghar mire liye
Ghazal
 phaila na yun KHulus ki chadar mere liye
'salīm' qurb se bhī tishnagī nahīñ jaatī
ye baat sāhil-o-dariyā ne mujh ko samjhā.ī
Ghazal
 jo baat dil mein thi wo kab zaban par aai
dī tishnagī ḳhudā ne to chashme bhī de diye
siine meñ dasht āñkhoñ meñ dariyā kiyā mujhe
Ghazal
 gunge labon pe harf-e-tamanna kiya mujhe
mile haiñ tishna mai-kashoñ ko chand jaam is liye
kaheñ na hāl-e-tishnagī kaheñ to kam se kam kaheñ
Ghazal
 zaban ko hukm hi kahan ki dastan-e-gham kahen
tishnagī itnī ki dariyā hai mirī āñkhoñ meñ
nā-shanāsā tire hone kī gavāhī aa.ī
Ghazal
 sham banhon mein liye raat ki rani aai
baaqī hai ḳhāk-e-kū-e-mohabbat kī tishnagī
apne lahū ko aur bhī arzāñ kareñge ham
Ghazal
 bujhte hue charagh farozan karenge hum
na bañdhe tishnagi-e-zauq ke mazmūñ 'ġhālib'
garche dil khol ke dariyā ko bhī sāhil bāñdhā
Sher
 na bandhe tishnagi-e-zauq ke mazmun ghaalib
tishnagī jī kī baḌhtī jaatī hai
sāmne ik sarāb rahtā hai
Ghazal
 ishq mein iztirab rahta hai
tishnagī hai sadaf ke hoñToñ par
gul kā siina figār dekhā hai
Ghazal
 zaKHm-e-dil par bahaar dekha hai
vahī to bazm se saaqī kī uTh ga.e mahrūm
jo mai-kade meñ kabhī tishnagī se ghabrā.e
Ghazal
 mili jo dil ko KHushi to KHushi se ghabrae
sulagtī ret meñ paanī kahāñ thā
koī bādal chhupā thā tishnagī meñ
Ghazal
 ye kaisi kashmakash hai zindagi mein
ab tishnagī kā roza shāyad khule hamārā
shaam o shafaq sajan kā missī o rañg-e-pān hai
Ghazal
 hum nin sajan suna hai us shoKH ke dahan hai
mile haiñ yuuñ to bahut tishnagī ke dasht 'ziyā'
koī bhī dasht magar misl-e-karbalā na milā
Ghazal
 zamin thi saKHt mujhe koi naqsh-e-pa na mila
dasht-e-hairat meñ sabīl-e-tishnagī ban jā.iye
jo kabhī puurī na ho aisī kamī ban jā.iye
Ghazal
 dasht-e-hairat mein sabil-e-tishnagi ban jaiye
sahrā-e-mohabbat hai sarāboñ kā tasalsul
hāsil hai faqat tishnagī 'resham' kī vafā kā
Ghazal
 mat jaaniye paikar mein bas naz-o-ada ka
is ne rakkhā jo sāmne sāġhar
baḌh ga.ī aur tishnagī merī
Ghazal
 kab suni tumne ragni meri
kaun Thahregā dekhnā ye hai
daur-e-mīnā yā tishnagī merī
Ghazal
 kab suni tumne ragni meri
lakīr khīñch ke baiThī hai tishnagī mirī
bas ek zid hai ki dariyā yahīñ pe aa.egā
Sher
 lakir khinch ke baiThi hai tishnagi meri
sar paTaktī thiiñ musalsal mauj-hā-e-tishnagī
hoñT ke sāhil pe ḳhema-zan thā paimāne kā dukh
Ghazal
 kya kahun kitna fuzun hai tere diwane ka dukh
Top Urdushayar.com