Tags-Qabr

mujhe behtar hai kachchī qabr apnī
kisī gumbad se jo ḳhairāt kā hai

kis tavaqqo pe koī bāġh-o-makāñ banvā.e
qabr meñ ek na kaam aa.egā bekār haiñ sab

qabr par kis shaan se vo be-naqāb aane ko hai
āftāb-e-sub.h-e-mahshar ham-rikāb aane ko hai

shāyad un ko nahīñ andar kī siyāhī kī ḳhabar
kar rahe haiñ jo mirī qabr ko me.amār safed

zindagī tū ne mujhe qabr se kam dī hai zamīñ
paañv phailā.ūñ to dīvār meñ sar lagtā hai

shujā.at kī misāleñ qabr ke patthar meñ rakkhī haiñ
hamārī saarī shamshīreñ ajā.ib ghar meñ rakkhī haiñ

jazb ise kahte haiñ aa.e kahne merī qabr tak
ab yahāñ se baḌh nahīñ saktī savārī aap kī

maiñ usī andhī galī kī qabr meñ marne lagā
bhaag niklī thī jahāñ se

hathkaḌī beḌī jo mujh majnūñ kī utrī ba.ad-e-marg
qabr meñ TukḌe uḌā.eñge kafan ke haath paañv

hai yaqīñ gor pe gar merī to aa jaave kabhī
diid ko terī mirā qabr se murdā nikle

na gor-e-sikandar na hai qabr-e-dārā
miTe nāmiyoñ ke nishāñ kaise kaise

sham.a to yaar chaḌhātā hī nahīñ
dāġh-e-dil qabr meñ raushan hī sahī

qabr-e-bulbul pe chalūñ rone ko
aaj gulzār meñ shevan hī sahī

qayāmat na uTThe ki uTThe jahāñ meñ magar bil-yaqīñ maiñ to uTThūñgā jhaT-paT
tah-e-qabr jis vaqt mujh ko milegī sar-e-qabr kuchh un ke qadmoñ kī aahaT

yahī kahīñ pe vafāoñ kī qabr-gāh bhī thī
yahī kahīñ se to rasta tire makān kā hai

makāñ hai qabr jise log ḳhud banāte haiñ
maiñ apne ghar meñ huuñ yā maiñ kisī mazār meñ huuñ

maiñ vo bosīda qabr huuñ 'bedil'
dafn jis meñ mirā zamāna hai

maazī kī rivāyāt meñ gaḌ jaate haiñ
murdoñ kī tarah qabr meñ saḌ jaate haiñ

jannat kī huur jaise koī merī qabr par
ai sham.a is tarah mujhe aa.ī hai tū pasand

ba.ad-e-murdan qabr meñ āThoñ pahar
aa.egā mujh ko ḳhayāl-e-rū-e-dost