Tags-Qasid

qāsid tire sukūt se dil be-qarār hai
kyā us jafā-shi.ār ne tujh se kahā sunā

qāsid ko de na ai dil us gul-badan kī paatī
chal ḳhud hī le chaleñ ham apne sajan kī paatī

az-bas-ki sabt-e-nāma hai soz-e-tap-e-darūñ
qāsid kā haath hai yad-e-baizā kalīm kā

qāsid aane jaane meñ thak thak kar ghabrā.egā
jā.egā phir aa.egā aa.egā phir jā.egā

tirī baat kā kyā hai unvān qāsid
tavaqqo.a hamārī magar TūTtī hai

muft avval-e-suḳhan meñ āshiq ne jaan de dī
qāsid bayān terā iqrār tak na pahuñchā

mujhe tavaqqo.a ho kyā ḳhabar kī zabāñ hai qāsid kī haath bhar kī
lagī havā tak nahīñ udhar kī abhī se bāteñ banā rahā hai

qāsid us bevafā se yuuñ kahnā
likh tū kuchh bhej gar nahīñ aatā

qāsid to saaf kah dī mukaddar hai mujh se kyā
likhā jo naama yaar ne ḳhat-e-ġhubār meñ

'mus.hafī' baat to kahne do zarā qāsid ko
pahle hī harf meñ tum itnā na ghabrāo suno

qāsid kahe gayā mirī zardi-e-ruḳh kā haal
is dāstāñ ko ḳhuub rañgā sar se paañv tak

jab bhī kuchh maiñ ne kahā kyuuñ aap tak pahuñchā nahīñ
aap kā qāsid yaqīnan nāma-bar merā bhī hai

ḳhat-e-shauq ko paḌh ke qāsid se bole
ye hai kaun dīvāna ḳhat likhne vaalā

be-ḳhabar shauq se mere nahīñ vo nūr-e-nigāh
qāsid-e-ashk shab-o-roz vahāñ hai ki jo thā

yaañ kisī rahguzar pe kuchh naqsh-e-qadam paḌe rahe
qāsid-e-ḳhush-ḳhabar nahīñ shahr-e-sabā bhī kyuuñ khule

maiñ nāzuk-mizājī se vāqif huuñ qāsid
isī vaj.h ḳhat meñ na likkhā ziyāda

sun ke qāsid ne kahā merī dalīleñ 'ḳhurshīd'
ḳhair pahle jo nahīñ bhī thī to ab zid hai use

ishq farmūda-e-qāsid se subuk-gām-e-amal
aql samjhī hī nahīñ ma.anī-e-paiġhām abhī

un ko kahnā salām ai qāsid
aur darbān ko duā kahnā

ḳhat dekh kar mirā mire qāsid se yuuñ kahā
kyā gul nahīñ huā vo charāġh-e-sahar hanūz