Tags-Qatil

gar subuk-bārī kī ḳhvāhish hai to us qātil se phir
zindagī ik bojh hai sar kā utarne se na Dar

rone vaalo ye bhī to ho saktā hai
ḳhuun kā chhīñTā qātil ko rusvā kar de

kahtā hai vo kal tere purze maiñ uḌāūñgā
ab sub.h ko qātil kī shamshīr hai aur maiñ huuñ

hameñ bhī kūcha-e-qātil kā thā chalan ma.alūm
isī liye to galī meñ tirī sañvar ke ga.e

ik baar thā sar gardan-e-'hasrat' pe raheñge
qātil tirī shamshīr ke ehsān hazāroñ

miltī hai mere dil ko qātil kī ḳhush-ḳhirāmī
dekhā zamāna lekin aisā chalan na dekhā

kyā jaane 'mujībī' dil-e-qātil meñ hai kyā aaj
mahzar meñ koī jurm raqam bhī nahīñ ab ke

qātil to us kā har sar-e-mū bāl-pan se thā
ārā.ish us kī zulf ko shāne ne kyā kiyā

har ik jauhar meñ us kā naqsh-e-pā-e-raftagāñ samjhā
dam-e-shamshīr-e-qātil jāda-e-rāh-e-adam paayā

haat yuuñ qātil-jabīnoñ kā lagā
jis tarah pahne sanam zunnār kaj

is shahr meñ nishāna-e-qātil hamī to haiñ
kuchh jābiroñ kī raah meñ haa.il hamī to haiñ

gila kise hai ki qātil ne nīm-jāñ chhoḌā
taḌap taḌap ke nikālūñgā hausla dil kā

havā-e-kūcha-e-qātil se bas nahīñ chaltā
kashāñ-kashāñ liye jaatā hai valvala dil kā

tum hī qātil tum hī munsif phir bhī mujhe afsos nahīñ
āḳhir mere dil meñ kyā hai buujh sako to baat batāo

kalī na dāman kī muskurā.e na āstīñ terī gul khilā.e
maiñ sadqe qātil na rañg laa.e ye ḳhuun dāman kā āstīñ kā

jo chhīñTeñ uḌ kar paḌīñ ḳhudāyā vo aur mahshar kareñgī barpā
hai merī gardan par aur ulTā ye ḳhuun qātil kī āstīñ kā

kaisā qātil thā jo hāthoñ meñ liye thā ḳhanjar
chupke chupke mire jiine kī duā kartā thā

qabr kī miTTī churā kar bhāgne vāloñ meñ ham afzal nahīñ
ham koī qātil nahīñ

maiñ jo bīmār huā us ne ayādat kī hai
ḳhū-e-rahmat bhī usī qātil-e-saffāk meñ hai

shahr-e-be-mehr meñ zinda thā faqat maiñ 'sāhil'
mere ehsās kā qātil mirī poshāk meñ hai