Tags-Raasta

sujhā.ī de na sakā rāsta ḳhayāloñ kā
dikhā.ī de na sakī raushnī muqābil kī

tumheñ yaqīñ hai ki manzil hai do hī qadmoñ par
mujhe ye Dar hai kahīñ rāsta na kho jaa.e

ḳhair muqaddam ke liye baḌhne lagīñ merī taraf
manzileñ apne saroñ par rāsta oḌhe hue

ye hijr kā rāsta hai jis par maiñ tanhā tanhā sī chal rahī huuñ
bas us kī yādoñ kī dhuup hai aur maiñ qatra qatra pighal rahī huuñ

vo jis ne ham ko bhulāve sī zindagī dī hai
zarūr us ne koī rāsta diyā hogā

tamām hotā kahāñ hai kabhī nadī kā safar
vo jā mile to samundar bhī rāsta hogā

safar meñ mushkileñ aa.eñ to jur.at aur baḌhtī hai
koī jab rāsta roke to himmat aur baḌhtī hai

ḳhalā meñ rāste girte hoñ ābshār kī misl
vo dhuup ho nazar aa.e na rāsta mujh ko

tamām umr bhaTakte rahe jo sahrā meñ
unheñ ye vahm ki vo rāsta dikhāte haiñ

ham ḳhud bhī tark-e-rāh-e-vafā par haiñ munfa.il
par kyā kareñ ki aur koī rāsta na thā

mai-ḳhāna duur rāsta tārīk ham marīz
muñh pher deñ udhar jo havā.eñ to kyā kareñ

aziiz the hamīñ nau-vāridān-e-kūcha-e-ishq
so pīchhe haTte ga.e rāsta diye ga.e ham

tū na jaane kin añdheroñ meñ chhupī baiThī huī
rāsta chuntā huā kitne Daroñ ke saath maiñ

nigāh ek saḌak hai aur us kī manzil-e-dil
idhar se jaave to ye rāsta zarā sā hai

kaun jaane Dūbnā hai yā ubharnā
pāniyoñ meñ rāsta hone se pahle

vo sabz Daal kā panchhī maiñ ek ḳhushk daraḳht
zarā sī der meñ vo apnā rāsta legā

nikal jaao kahīñ tum ai parindo
havā ne rāsta rokā nahīñ hai

na koī ḳhvāb āñkhoñ meñ na dil meñ aasrā koī
na jū-e-ḳhūñ se bachne kā nazar meñ rāsta koī

bhaTak na jā.ūñ kahīñ ġham kī rahguzāroñ meñ
nigāh-o-dil ko ujāloñ kā rāsta denā

har chamaktī qurbat meñ ek fāsla dekhūñ
kaun aane vaalā hai kis kā rāsta dekhūñ