Tags-Raasta

rāsta kar diyā hamvār kisī kā ham ne
ek dīvār-e-anā thī jo girā lī ga.ī hai

raat kyā ḳhuub tamāsha thā galī meñ un kī
shaiḳh-jī pūchhā kiye rāsta mai-ḳhāne kā

sāmne jab koī manzil hī nahīñ
rāsta roz badalnā hogā

rāsta koī dekhtā hogā
koī aage nikal gayā hogā

zindagī jā ham bhī kū-e-ārzū tak aa ga.e
is ke aage ham ko saarā rāsta ma.alūm hai

bhaTaktā huuñ tū mujhe rāsta dikhātī hai
vo ham-safar hai magar rahnumāoñ jaisī hai

safar meñ ab ke ajab tajraba nikal aayā
bhaTak gayā to nayā rāsta nikal aayā

tum mire irādoñ ke Dolte sitāroñ ko
yaas ke ḳhalāoñ meñ rāsta dikhāte ho

kahāñ kī manzil-e-maqsūd rāsta bhī nahīñ
safar meñ saath ḳhudā bhī hai ahrman bhī hai

itne patthar na pheñkiye sāhab
vāpsī kā to rāsta rakhiye

mushkileñ majma.a-nigāroñ pe huī haiñ āsāñ
rāsta ḳhud kahīñ miltā hai guzarne ke liye

yaqīñ kar ke tire pīchhe chale haiñ
nazar aa.e nā phir bhī rāsta to

adhūrā hī rahe har rāsta to
nā pahuñche manziloñ tak silsila to

saath kuchh roz kā hai rāsta chalte logo
ham chale jā.eñge qadmoñ ke nishāñ DhūñDoge

ḳhushiyoñ kā rāsta go baḌā muḳhtasar rahā hai
lekin ye dukh sadā se mirā ham-safar rahā hai

ḳhayāloñ ke ye sarāb tujh ko Dubo hī deñge
jise tū kahtā hai rāsta hai yahī bahut hai

gumān gaañv se maiñ chalā thā yaqīn kī manziloñ kī jānib
magar tavahhum ke jañgaloñ meñ hī rāsta ḳhatm ho gayā hai

ab is ke ba.ad koī rāsta na koī safar
qadam hisār-e-zamān-o-makān se niklā

ris rahā hai muddat se koī pahlā ġham mujh meñ
rāsta banātā hai āñsuoñ kā nam mujh meñ

tere qadmoñ ke saath chaltā hai
rāsta bhī huā ġhulām tirā