Tags-Raat

kuchh bhī bachā na kahne ko har baat ho ga.ī
aao kahīñ sharāb piyeñ raat ho ga.ī

bikhrā dī vahīñ zulf zarā ruḳh se jo sarkī
kyā raat Dhale raat vo Dhalne nahīñ dete

ashk bahte rahe dil dhaḌaktā rahā
rāt-bhar karvaTeñ ham badalte rahe

aaj hī darpesh thā ham ko safar raat kā
aaj hī aflāk par koī sitāra nahīñ

aañsū falak kī aañkh se Tapke tamām raat
aur sub.h tak zamīn kā āñchal bhigo ga.e

ḳhvāboñ se na jaao ki abhī raat bahut hai
pahlū meñ tum aao ki abhī raat bahut hai

jī bhar ke tumheñ dekh luuñ taskīn ho kuchh to
mat sham.a bujhāo ki abhī raat bahut hai

kab pau phaTe kab raat kaTe kaun ye jaane
mat chhoḌ ke jaao ki abhī raat bahut hai

rahne do abhī chāñd sā chehra mire aage
mai aur pilāo ki abhī raat bahut hai

kaT jaa.e yūñhī pyaar kī bātoñ meñ har ik pal
kuchh jaago jagāo ki abhī raat bahut hai

maiñ ne kabhī bhī raat se shikva nahīñ kiyā
har shab kisī charāġh sā jal kar baḌā huā

khulī jo aañkh to chehre pe jagmag thī phuvāroñ kī
ki milne aa.ī thī kal raat mujh se nā-gahāñ bārish

sharāb piite haiñ to jāgte haiñ saarī raat
mudām ābid-e-shab-zinda-dār ham bhī haiñ

chand adhūre kāmoñ ne kuchh vaqt girafta logoñ ne
din purze purze kar Daalā raat ko paara paara kiyā

firāq-e-yār ne bechain mujh ko raat bhar rakkhā
kabhī takiya idhar rakkhā kabhī takiya idhar rakkhā

tujh ko to havāoñ kī zad meñ kuchh raat ga.e tak jalnā hai
ik ham ki tire jalte jalte bastī se charāġh-e-shām chale

raat din ek hī kaam
ghar-girhastī meñ maze se masrūf

jañg kā faisla ho chukā hai to phir mere dil kī kamīñ-gāh meñ kaun hai
ik shaqī kāTtā hai tanābeñ mire ḳhema-e-ḳhvāb kī raat bhar yā aḳhī

bhūle nahīñ haiñ ham vo mudārāt raat kī
jī chāhtā hai phir kahīñ mehmān jā.iye

raat terī yādoñ ne dil ko is tarah chheḌā
jaise koī chuTkī le narm narm gāloñ meñ