Tags-Raat

nazar aatī nahīñ muflis kī āñkhoñ meñ to ḳhush-hālī
kahāñ tum rāt-din jhūThe unheñ sapne dikhāte ho

raat bāġhīche pe thī aur raushnī patthar meñ thī
ik sahīfe kī tilāvat zehn-e-paiġhambar meñ thī

sub.h ho shaam judā.ī kī ye mumkin hī nahīñ
hijr kī raat vo hai jis ke liye din hī nahīñ

yād-e-gesū ne dikhāyā hai vo aalam ham ko
raat rahtī hai jahāñ aaTh pahar din hī nahīñ

chāñd kī apnī kahānī raat kā qissa alag
dāstān-e-ishq meñ hai tajraba sab kā alag

raat kā jhuknā tirī pusht pe dildārī ko
baaġh ke peḌoñ kā aa jaanā rajaz-ḳhvānī meñ

ishq din-rāt rahā kaif-o-tarab meñ sarshār
husn ne saltanat-e-ishq pe dārā.ī kī

raat ke dasht meñ phuul khile haiñ bhūlī-bisrī yādoñ ke
ġham kī tez sharāb se un ke tīkhe naqsh miTāte rahnā

aañkh ko niiñd meñ ma.alūm nahīñ ho saktā
raat vo hai ki nahīñ ḳhvāb vahī hai ki nahīñ

raat hī raat meñ
rāste shahr se jañgaloñ ko muḌe

chalā aatā yaqīnan ḳhvāb meñ vo
hameñ kal raat sonā chāhiye thā

siyāh raat meñ bachche kī tarah chauñk paḌe
tamām din jo ujāloñ se lag ke so.e the

kis kā va.ada kaun aatā hai chain se sotā hogā vo
raat bahut aa.ī hai ai dil ab nāhaq bedārī hai

hijr sitam hai kulfat-o-ġham hai kis se kahiye haal apnā
din ko paḌe rahnā muñh Dhāñke raat ko girya-o-zārī hai

ai 'qamar' vo na huī dekhiye taqdīr kī baat
chāndnī raat jo qismat se kabhī aa.ī bhī

hijr aur raat taqābul meñ haiñ
ashk puure ki sitāre puure

kis tarah jā.ūñ ki ye aa.e hue raat meñ haiñ
ye añdhere nahīñ haiñ saa.e mirī ghaat meñ haiñ

bhuul kar bhī jo koī letā hai rishvat chor hai
aaj qaumī pāgaloñ meñ raat din ye shor hai

raat pahchān de ga.ī sab ko
sub.h chehre mile nishān-zada

raat hai log ghar meñ baiThe haiñ
daftar-ālūda o dukān-zada