Tags-Raat

raat ga.e 'ḳhurshīd' ye dastak
shāyad koī bhūkā hogā

agar isī raat kī siyāhī ke saath kho jā.eñge sitāre
to phir ye mere lahū kā raushan charāġh kis lahr ke liye hai

maiñ ne raat se pūchā
''mere ghar se chorī ho jaane vaalā ḳhvāb

ye kaalī raat kā dariyā bahā kar le gayā sūraj
hirāsāñ sub.h ke sāhil pe dil tārīkiyoñ se hai

ham donoñ ne raat guzārī ā.ankhoñ meñ
ā.īna bhī hijr kā maarā lagtā hai

vo pal meñ jal-bujhā aur ye tamām raat jalā
hazār baar patiñge se hai charāġh bhalā

zarā hī der meñ kyā jaane kyā ho raat kā rañg
so ab qayām sar-e-rahguzar nahīñ karnā

bayāñ to kar duuñ haqīqat us ek raat kī sab
pa shart ye hai kisī ko ḳhabar nahīñ karnā

ik jaam khanaktā jaam ki saaqī raat guzarne vaalī hai
ik hosh-rubā in.aam ki saaqī raat guzarne vaalī hai

vo dekh sitāroñ ke motī har aan bikharte jaate haiñ
aflāk pe hai kohrām ki saaqī raat guzarne vaalī hai

go dekh chukā huuñ pahle bhī nazzāra dariyā-noshī kā
ek aur salā-e-ām ki saaqī raat guzarne vaalī hai

ye vaqt nahīñ hai bātoñ kā palkoñ ke saa.e kaam meñ lā
ilhām koī ilhām ki saaqī raat guzarne vaalī hai

mad-hoshī meñ ehsās ke ūñche ziine se gir jaane de
is vaqt na mujh ko thaam ki saaqī raat guzarne vaalī hai

raat añdherī ho to jugnū kī chamak kaafī hai
shart itnī hai ki ehsās jagā kar chaliye

raat saffāk hai sūraj ko nigal jaatī hai
apnī muTThī meñ sitāroñ ko chhupā kar chaliye

tū mujhe zahr pilātī hai ye terā sheva
ai mirī raat tujhe ḳhuun pilāyā maiñ ne

koī Takrā.e to is hijr-zada mausam meñ
raat jañgal meñ bahut ḳhud ko jalāyā maiñ ne

havā pe chal rahā hai chāñd rāh-vār kī tarah
qadam uThā rahī hai raat ik savār kī tarah

raushan karo na shaam se pahle charāġh-e-jām
din ke liye ye chiiz hai yā raat ke liye

'ājiz' kī haiñ ulTī bāteñ kaun use samjhā.e
dhuup ko pāgal kahe añdherā din ko raat batā.e