Tags-Raat

raat ke vaqt jeb meñ jugnū
sub.h-tā-shām haath meñ titlī

aaj kī raat hai irfān-e-hijābāt kī raat
aaj har sham.a meñ tanvīr hamārī hogī

tum kyā ga.e ki saarā zamāna chalā gayā
vo rāt-din nahīñ haiñ vo shām-o-sahar nahīñ

raat kitnī udaas baiThī hai
chāñd niklā to so ga.iiñ āñkheñ

mere bhī baḳht meñ hai añdherā ki maiñ bhī huuñ
samjhe na raat ḳhud ko akelā ki maiñ bhī huuñ

kal raat chobdār samet aa ke le gayā
ik ġhol tarah-dār-e-sar-e-dār ko tire

sub.h āshufta-mizājoñ kī pareshāñ-e-suḳhanī
raat ik mār-e-siyah jaise ināñ-gīr lage

yaad us kī duur mujh ko sar-e-shām le ga.ī
maiñ saarī raat apne liye jāgtā rahā

rind kahte haiñ ki ḳhāliq ne kiyā hai paidā
raat din nāseh-e-behūda ko bakne ke liye

badan mummy thā nazar barf saañs kafūrī
tamām raat guzārī hai sard bāñhoñ meñ

bujhī jo raat to apnī galī kī yaad aa.ī
ulajh gayā thā maiñ rañgīn shāh-rāhoñ meñ

nāla-kashī se raat jo gulshan rashk-e-bazm-e-ishrat thā
minqāreñ murġhān-e-chaman kī sub.h talak juuñ biin bajīñ

maiñ jo nashe meñ raat huā ġhaTpaT us ma.ashūq kī chhātī saath
pāzebeñ paañv kī us ke kyā hī ba-sad tamkīn bajīñ

balbe mizāj-e-nāzuk terā niiñd uchaT ga.ī us gul kī
bāliyāñ pattoñ se jo ulajh kar raat sar-e-bālīn bajīñ

va.ada kar ke jab vo na aayā sair-e-chaman ko dil ne kahā
raat ga.ī chal baaġh se ab ghaḌiyāñ to ka.ī ġhamgīn bajīñ

vahī ta.abīr vahī ik chehra
ḳhvāb kyā raat Dhale aa.e haiñ

nekī kā irāda hai to phir pūchhnā kaisā
din raat faqīroñ kī mudārāt kiye jā

mujh ko ḳhvāboñ ke baaġh meñ lā kar
ghane jañgal meñ kho rahī hai raat

bas dhund nigal chukī hai ye raat
nazzāra tamām ho chukā hai

ek din raat ke asrār khuleñge ham par
shak kī bauchhār se chhalnī huā siina apnā