Tags-Raat

lashkarī gaañv pe shab-ḳhūn nahīñ māreñge
hausla gasht pe kal raat se niklā huā hai

guzre the husain ibn-e-alī raat idhar se
ham meñ se magar koī bhī niklā nahīñ ghar se

muntashir the dhaḌkanoñ ke saaz bhī
dil musalsal raat bhar tanhā rahā

tārīk hai raat aur duniyā zaḳhḳhār
tūfān bapā hai aur kashtī be-kār

bastiyoñ vaale to ḳhud oḌh ke patte, so.e
dil-e-āvāra tujhe raat sambhālā kis ne

yuuñ bhī to ḳhud se hī bāteñ karnī haiñ din-rāt
ham bhī koī 'rāhat' apne jaisā DhūñDte haiñ

terā din ho ki mirī raat nahīñ ruk sakte
apne mehvar pe zamīñ ḳhud ko ghumā saktī hai

Duub jaatā hai sar-e-shām hamārā dil bhī
ye bhī sūraj kī tarah raat kā zindānī hai

ek do raat meñ shohrat nahīñ miltī pagle
itne saste meñ ye daulat nahīñ miltī pagle

raat kī naarī Duub ga.ī hai
sub.h kī devī jaag chukī hai

rāt-din pur-shor sāhil jaisā manzar mujh meñ thā
tum se pahle maujzan koī samundar mujh meñ thā

DhūñDhtā phirtā huuñ us ko raat din ḳhud meñ 'hasan'
vo jo kal tak mujh se bhī ik shaḳhs behtar mujh meñ thā

sharāb piite haiñ to jāgte haiñ saarī raat
mudām ābid-e-shab-zinda-dār ham bhī haiñ

chashm-e-nam-dīda sahī ḳhitta-e-shādāb mirā
raat kī raat mahaktā hai gul-e-ḳhvāb mirā

din thā aur gard-e-rahguzār nasīb
raat hai aur sitāra-gardī hai

maut ke añdhere meñ vaqt tham gayā hogā
raat bujh ga.ī hogī din bhī Dhal gayā hogā

raat ko jab bhī aañkh khulī hai
mujh ko yuuñ mahsūs huā hai

chāñd tire māthe se ugtā hai chandā
raat mirī āñkhoñ meñ rakkhī jaatī hai

sub.h hote hī badal jā.egī aañkh
raat bhar un kī ināyat aur hai

raat be-chāñd munavvar to nahīñ ho saktī
ghar meñ be-sham.a ujālā to nahīñ ho saktā