Tags-Raat

din kisī yaad ke saa.e meñ guzārā lekin
raat ham dard ke qadmoñ meñ bichhā kar so.e

raat bhar niiñd se rahtī hai laḌā.ī merī
tū mire yaar agar mujh ko bhulā kar so.e

un se bichhḌe haiñ to phir niiñd na aa.ī 'rahbar'
taare gin gin ke har ik raat guzārī ham ne

koī is raat ko Dhalne se roke
mirā qissa abhī rahtā bahut hai

hazār rañg ke jalvoñ se thī fazā ma.amūr
guzishta raat 'mubārak' nashist aisī thī

ye shikāyat-e-dar-o-bām kyā ye rabāt-e-kohna kī raat kyā
koī be-charāġh shab-e-vafā tire shahr meñ bhī guzar ga.ī

champa.ī dhuup meñ har zarra hai sūraj kī kiran
chāñdnī raat meñ har phuul hai raushan raushan

gum to hogā sitāra-e-shab-e-dil
kam hai is raat bhar meñ jo bhī ho

ai raat mujhe maañ kī tarah god meñ le le
din bhar kī mashaqqat se badan TuuT rahā hai

yaad terī kabhī dastak kabhī sargoshī se
raat ke pichhle-pahar roz jagātī hai hameñ

tumheñ jaldī hai kyā jaanā abhī to raat baaqī hai
na ghabrāo zarā Thahro koī dam meñ sahar hogī

is tarah murjhā ga.e kuchh phūl-chehre raat ko
dhuup āñgan meñ utar aa.ī ho jaise raat ko

umr bhar sūraj bhī jin kī diid se qāsir rahe
un hayā-dāroñ ke uThte haiñ janāze raat ko

ziist kā sarmāya hai yādeñ unhī lamhāt kī
maaoñ se jab loriyāñ sunte the bachche raat ko

ban ga.e haiñ rahzanoñ ke vāste jā-e-amāñ
aur musāfir ke liye haiñ maut raste raat ko

is tarah ab to guzartī hai mirī umr-e-ravāñ
khāñste haiñ jis tarah parvāz būḌhe raat ko

āvāzeñ raat kī ḳhāmoshī meñ ojhal hone kā sandesa laa.ī haiñ
chāñd ke aadhe TukḌe par kuchh ḳhvāboñ kī tadfīn huī hai

siyāh raat nahīñ letī naam Dhalne kā
yahī to vaqt hai sūraj tire nikalne kā

taa.ir ke liye din raat kā Dar
dahlīz pe rizq aur taaq meñ ghar

ham sog haiñ jaage sapnoñ kā
ai raat hameñ mahsūs na kar