Tags-Raat

zulf-bar-dosh vo ik baar to aa.e the 'shakīl'
phir koī raat bhī us raat se aage na baḌhī

saarā aalam duhā.ī detā hai
raat jab dāstāñ sunātī hai

chāñd tanhā hai kahkashāñ tanhā
hijr kī raat āsmāñ tanhā

kūdtā hai raat bhar vo sahn meñ
har jagah ghar meñ mire phirtā hai jin

raat Daa.in hai machāñ se jhūltī
aur is ke saath hī laTkā hai jin

musallat hai saroñ par raat ab tak
vahī hai sūrat-e-hālāt ab tak

sub.h talak is shahr meñ jaane kyā ho jaa.e
rishta DhūñDho rātoñ-rāt nikalne kā

raat kā patthar na pighlegā shuāoñ ke baġhair
sub.h hone tak na bolo ham-navāo chup raho

ab safar raat meñ hī karte haiñ
log ab raushnī se Darte haiñ

raat din aag meñ palā sūraj
ban charāġh-e-haram jalā sūraj

bhuul jā raat kā chubhā kāñTā
phuul ab to khilā gayā sūraj

agar sardiyoñ kī kisī raat ko
koī bhūkā gadāgar

yā shikāre meñ kisī jhiil pe jab raat basar ho
aur paanī ke chhpākoñ meñ bajā kartī haiñ Tulliāñ

chaudhvīñ-rāt ke barfāb se ik chāñd ko jab
Dher se saa.e pakaḌne ke liye bhāgte haiñ

raat bhar tujh ko sunātā rahā merā qissa
raat bhar chāñd darīche meñ tire goyā thā

yaad karo jab raat huī thī
tum se koī baat huī thī

sāhiloñ se kaho, maiñ nahīñ ā.ūñgā
ab kisī shahr kī raat mere liye jagmagā.e nahīñ

mujhe aziiz hai din kī masāfatoñ kā shu.ūr
maiñ ek raat kī ta.amīr karne vaalā kaun

vo jo raat mujh ko baḌe adab se salām kar ke chalā gayā
use kyā ḳhabar mire dil meñ bhī kabhī ārzū-e-gunāh thī

lipaT ke ruuh se kahtā rahā badan kal raat
na jaao chhoḌ ke mujh ko ki ghar akelā hai