Tags-Raat

koī bhī ham ko hātim nahīñ kah sakā
garche motī luTāte rahe rāt-bhar

din meñ sarmāya-kārī jo kī dard kī
ham ḳhasāre chukāte rahe rāt-bhar

sub.h-dam jū-e-ḳhūñ kaise vo ban ga.e
ham jo aañsū bahāte rahe rāt-bhar

dekhiye sādgī aap kī dāstāñ
aap hī ko sunāte rahe rāt-bhar

terī yādoñ kā sāvan barastā rahā
gulistāñ ham khilāte rahe rāt-bhar

qāmat-e-yār par aarzū kī qabā
dil ke hāthoñ sajāte rahe rāt-bhar

lamha lamha miTe ham koī ġham nahīñ
aap ko to banāte rahe rāt-bhar

ham bisāt-e-tamannā bichhāte rahe
aate aate vo aate rahe rāt-bhar

terī yādoñ ke lamhe bhī bedard the
tujh ko mujh se churāte rahe rāt-bhar

āsmāñ par sitāre larazte rahe
ashk 'tarzī' bahāte rahe rāt-bhar

ye mujh meñ kaun mire raat din sambhāltā hai
is iḳhtiyār se niklūñ to aur kuchh sochūñ

na-jāne raat tire mai-kashoñ ko kyā sūjhī
subū uThāte uThāte falak uThāne lage

ek hañgāma huā jo raat ke aivān meñ
raushnī kā ḳhār-e-zulmat meñ chubhone se huā

jab raat ko taare baarī baarī jāgte haiñ
ka.ī Duube hue tāroñ kī nidā kuchh kahtī hai

kabhī bhor bha.e kabhī shaam paḌe kabhī raat ga.e
har aan badaltī rut kī havā kuchh kahtī hai

raat bhar ik chaap sī phirtī rahī chāroñ taraf
jān-levā ḳhauf thā lekin huā kuchh bhī nahīñ

mai.n aazim-e-mai-KHaanaa thii kal raat ki dekhaa
ik kuucha-e-pur-shor me.n as.haab-e-tariiqat

maiñ so rahā huuñ tire ḳhvāb dekhne ke liye
ye aarzū hai ki āñkhoñ meñ raat rah jaa.e

jo tire intizār meñ guzrī
ik vahī raat mujh pe bhārī thī

ab kahne vaale kahte haiñ is shahr meñ raat nahīñ hotī
ik aisā hī din thā vo chehra jab maiñ ne utārā āñkhoñ meñ