Tags-Raat

raat āñkhoñ meñ kāTne vaalo shaad raho ābād raho
bār-e-hijr uThāne vaalo shaad raho ābād raho

ek darīche se do āñkheñ roz sadā.eñ detī haiñ
raat ga.e ghar lauTne vaalo shaad raho ābād raho

zarā sī raat bhiig jaa.e,
phir suno añdhere kī zabāñ

shaam huī phir josh-e-qadah ne bazm-e-harīfāñ raushan kī
ghar ko aag lagā.eñ ham bhī raushan apnī raat kareñ

raat ke aks jo shabnam meñ utarne aa.e
kitne phūloñ meñ 'samad' dāġh-e-jigar chhoḌ ga.e

maiñ gilā tum se karūñ ai yaar kis kis baat kā
ye kahānī din kī ho jaa.e na qissa raat kā

tark kī mujh se mulāqāt aap ne achchhā kiyā
ġham miTā har-vaqt kā jhagḌā gayā din-rāt kā

be-tamīzoñ se tabī.at āshnā hotī nahīñ
chāhne vaalā huuñ maiñ mahbūb-e-ḳhush aur raat kā

tere aane kī duā māñgā kabhī jaagā kiye
rāt-bhar aalam rahā ai but ḳhudā.ī raat kā

taash kā mūbāf choTī meñ muqarrar chāhiye
chāñdnī se aur hī hotā hai joban raat kā

din isī fikr meñ kaaTā ham ne
raat aa.ī to kidhar jā.eñge ham

na dil meñ zarā bhī nadāmat huī
machāte rahe raat bhar mastiyāñ

jhūmā kyā surūr se 'sīmāb' raat bhar
dekhā kiyā kisī kī nashīlī nazar ko maiñ

sannāTe meñ jab jab chhankī bairī paḌosan kī paa.el
jaane vaale yaad meñ terī raat rāt-bhar jaagī maiñ

un kī nigāheñ be-parvā haiñ kuchh bhī nahīñ jazbāt ke naam
vaqf kiye haiñ jin logoñ ne din ke ujāle raat ke naam

añdherī raat ne
dekhā na kuchh sunñā hī chāhā us ke gosh-e-nāzuk aur chashm-e-siyah māsūm hote haiñ

kuchh ajab sā thā manzar ga.ī raat kā
duur ghaḌiyāl bajtā huā aur maiñ

jagmagāte hue jugnū na ziyāñ hotā charāġh
raat meñ kuchh bhī na thā jis ko kaheñ raat sā thā

chamaktī dhuup tum apne hī dāman meñ na bhar lenā
maiñ saarī raat peḌoñ kī tarah bārish meñ bhīgā huuñ

is raat der tak vo rahā mahv-e-guftugū
masrūf maiñ bhī kam thā farāġhat use bhī thī